Popular Bible Verses from Thuhilhna 2

Share

Pasian in amah a lung kimsakpa tungah pilna, theihna le lungnopna pia-a, mawhneipa ahileh Pasian a lungkimsakpa tungah a ap ding hauhnate kaikhawmsakin a kholsak hi. Hih zong a mawknapi mah hi-a, huih nungdelh lel mah ahi hi.

Mi khatin, ne-in dawnin na a sepna ah a lungkimna zah val a hoihzaw bangmah a sem thei kei hi. Hih zong Pasian khutsuak hi, cih ka mu hi; ahang in, amah loin kua in an ne-in nuamsa thei ahi hiam?

Tua hi napi ka khuta ka sepsa khempeuh ka et phat kik ciangin haksapi a ka sepnate khempeuh a mawknapi, huih nungdelh lel ahi hi; sunni nuai-ah hamphatna bangmah a om kei hi.

Ka mit iplah khempeuh panin ka kidaam kei hi; ka lungsim nopsakna ka nial kei hi. Ka nasep khempeuh ah nuam ka sa a, hih in ka gimna khempeuh hanga ka pahtakman ahi hi.

Khuamial sangin khuavak a hoihzawk bang tektekin haitatna sangin pilna a hoih zawk lam ka mu hi.

Mihaipa in khuamial sunga a pai laitakin mipilpa in a lutangah mit nei a, ahi hangin a nih un a kibanga a tuah ding uh ka thei hi.

Ahang in, mi khat in a pilna a siamna le a theihna tawh na sem dinga, a sem lo mipa adingin ama neihsa khempeuh a nusiat ding hi. Hih zong a mawknapi mah hi-a, vangsiatna lianpi khat ahi hi.