Popular Bible Verses from Thupiakkikna 28

Share

TOPA note Pasian thu kimtakin manga, tuni-a kong piak ama thupiakte khempeuh limtakin na zuih uh leh TOPA note Pasian in leitunga minam khempeuh tung pekah hong koih ding hi.

TOPA note Pasian thu na man uh leh hih thuphate khempeuh no tungah hong tungin hong zui ding hi.

TOPA in a meidawn hi loin a lutangin hong bawl ding hi. Tuni-a note kong piak TOPA note Pasian thupiakte na thupi sim uh a, limtaka na zuih uh leh a tawntungin nuainungpen loin na tungnungpen ding uh hi.

TOPA in vantungte le na tampi a kholna inn hongin na gamuah guah a hunin zusak dinga na khut uh tawh na septe khempeuh uh thupha a pia ding hi. Minam tampite na leitawisak ding uh a, ahi hangin no kuama tungpan na leitawi kei ding uh hi.

TOPA in note langa pang galte note mai-ah hong zawhsak ding hi. Amaute lam khat pan hong kuan ding uh a, nang kiang pan lam sagihin a taikek ding uh hi.

TOPA in na an salte le na khuta na sepsa peuhmah tungah thupha hong tungsak ding hi. TOPA note Pasian in note hong piak ding gamah thupha hong pia ding hi.

Na sungtum ciangin thupha hong kipia dinga, na pusuah ciangin thupha hong kipia ding hi.

Note khuapi sungah thupha hong kipia in khuaneu ah thupha hong kipia ding hi.

Note sul pana gahte le na leitang ua ante, na ganhonte-na bawnghonte uh note le na tuuhonte uh pung ding hi.

TOPA note Pasian hong thupiakte zui-in ama lampi na tot nak uh leh amah tomlo-a a kiciamsa bangin ama misiangtho dingin TOPA in hong kipsak ding hi.

Na seng uh le na annel mekna kuang uh thupha kipia ding hi.

TOPA in note piak dingin na pate uh tunga a ciamsa gamah - na sul panua gahte, na ganhonte uh note, na leitang pan un a piang ante - tungtawnin na dau uh a paisak mahmah ding hi.

Tua ciangin leitung a om mi khempeuh in note, TOPA’ mina hong kisap lam thei-in hong kihta ding uh hi.

Tuni-a kong piak thupiakte khatpeuh panin veilam ahi a taklam ahi zongin pial kei unla, adang pasiante zui loin a na zong sem kei un.

Ahi hangin note in TOPA note Pasian thu mang loin tuni-a kong piak thupiakte le thukipte limtakin na zuih kei uh leh hih hamsiatnate khempeuh in note hong pha in no tungah hong tu ding hi