Popular Bible Verses from 2 Khangthute 20

Share

Amah in, "Kumpipa Jehoshaphat le Judah le Jerusalem a tengte khempeuh aw, ngai dih un! No tungah TOPA thugen hih ahi hi: ‘Hih galkap tampite hangin lau kei unla lungkia kei un. Ahang in, gal kidona no aa hi loin Pasian aa ahi hi.

Note in hih galte na do kha kei ding uh hi. Judah le Jerusalem aw, na panmun uh la un; kiptakin ding unla TOPA hong hotkhiat ding en un. Kihta kei un; lungkia kei un; amaute maingat dingin zing ciangin kuankhia un, TOPA in note kong ompih hi,’ ci hi," a ci hi.

Kote Pasian aw, amaute tungah thu khen lo ding na hi hiam? Hih kote hong sim galkap tampitakte maingat dingin vang ka nei kei uh hi. Ka cih nading uh ka theih loh manun nangmah kong mitsuan uh hi," a ci hi.

Mite a hanthawn khit ciangin Jehoshaphat in galkapte mai-ah a pai kawmun TOPA la sakin ama a sianthona a thupina a phat ding mi sehin: "TOPA tungah lungdam ko un, ama itna kip tawntung hi," a ci hi.

Amaute in la sa a phat dingin a kithawi laitakun Judah a sim Ammon, Moab le Seir Vum a mite langkhatah TOPA in a pangsimte koih a, amaute a kizo hi.

Jehoshaphat patau a TOPA dot ding khensatin Judah khempeuh antan ding a tangko hi.

‘Eite tungah tuahsiatna ahi, namsau-a thukhenna ahi-a, pulpi ahi a kialpi ahi zongin hong tun leh nangma omna na Min a kilam hih biakinnpi mai-ah dingin ka lungdonna uh kong ko ding uh a nang hong za-in kote nong honkhia ding hi,’ ci uh hi.

Zing ciangin amaute do dingin kuansuk un. Amaute Ziz Ciangka zui-in hong kahto ding uh a, Jeruel Sehnel-gam kuampi mongah amaute na mu ding uh hi.

TOPA tungah huhna zong dingin Judah mi khempeuh a kikhawm uh hi; hi takpi hi, Judah khuapi khempeuh panin amah zong dingin a kuan ciat uh hi.