Popular Bible Verses from 1 Khangthute 16

Share

TOPA le ama hatna enkawmin; ama maitang zong den un.

TOPA hoih ahi manin ama tungah lungdam ko un; ama itna kip tawntung hi.

TOPA tungah lungdam koin, a min lo unla; ama sepsate minamte lakah kitheisak un.

A min siangtho thangsak un; TOPA a zongte lungsim nuam ta hen.

Ama sepsa a lamdangte, ama nalamdang bawlte le a genkhiat a thukhennate

Amah la sak un, amah phatna la sak un; ama sepsa a lamdang teng genkhia un.

Ahang in, TOPA liana, a phattak pen ahi hi; pasiante khempeuh khengin kihtak ding ahi hi.

Ama minthanna a tawh kituakin TOPA minthangsak un. Biakna khat kengin ama mai hong zuan un; ama sianthona, a thupina tawh kituakin TOPA bia un.

Ama mai-ah thupina le ukzawhna om a; ama omna munah thahatna le lungnopna a om hi.

Leitung khempeuh aw, TOPA la sak un; nisimin ama hotkhiatna tangko un.

Minamte lakah ama minthanna pulak unla, mi khempeuh lakah a nasepna piandangte pulakkhia un.

"Ka sathau nilhte lawngkha kei unla; ka kamsangte nasak kei un," a ci hi.

Minamte pasiante khempeuh milimte hi-a, TOPA in ahileh vante a bawl hi.

Amah in a thukhun phawk tawntung a, a thupiaksa kammal khang tul khat dong a ciamteh d hi

Vante nuam uh henla, leitung kipak hen; amaute in minamte tungah, "TOPA in uk hi," ci uh hen.

A tawntung pan tawntung dongin TOPA, Israel Pasian in phatna ngah ta hen. Tua khit ciangin mi khempeuh in, "Amen, TOPA phat un," a ci uh hi.

Minamte innkuante aw, TOPA ahi bangin hisak un, TOPA a minthanna le a hatna bangin hisak un