Popular Bible Verses from ROM 8

Share

Igide dam ilo huri ve lo gineu doluegi i God mo tabanagi huri gareana noi rahine hi ram tabea. I ngerehi a sinobu u warera, a vevenagi mo huri na nora lado rarai

Ineu nau ilo vurugegi huri ve hatie gineu vohogi ve vin vilewahe lai gide dena tabetabe noi Kraes, hatie huri tare dam mate sige dam mwaso. A engsel lo eulu sige a huqegi lo mahava, sige a huireana lo mahava, rain he vai lei tea. A gineu ngerehi rau vonai beno sige i ngerehi rain vonai tetarogi. Hatie gineu namawe lo ulude, hatie gineu vage lo vavada, hatie gineu vage lolo ureure doluegi ve vin vile wahe lai gide dena tabetabe noi God ngehi mo eno lui Jisas Kraes a noda Huqe.

Vage a Vui mo bului gide lo noda wiriwiri. Igide dahe ilo tea ve dain tataro mwerehilogo. Nge a Vui sibona mo laqa lawe God huri gide, mo navu dein God gina domiana u bue hate leo ve vin mata-mwasaraginie.

Siu igide dain veve wuraha huri na gineu ngaha? Tare ve i God mo toga mei gide, ihine tea vin he qoragi lai gide tea.

Siserigi ngaha a leo vevegi hatie lawe rahine ram toga lo bulu gatagale mei Jisas Kraes.

Tare ve a sinobu a domire mo virigi lo domianai galegaleasi talo tarabesigi, ngehi a mateana lune. Nge tare ve a domire mo virigi lo gineu talo Vui, ngehi a mwasoana ko a tamwata lune.

Siu i Kraes hi u tabe gamai mo vai gamai gam qoragi na gineu ngerehi doluegi.

A gagarasi hi dam walie gaqarigi dain he tatarisegi leie tea mena roroa lawua hi vin haharaginie lawe gide.

Wa havagineu tea vin vile wahe lai gide dena tabetabe noi God? Wa gineu esi sige a bugui domiana tea, sige a gagarasi sige a mwaruruhi sige a mahogiana sige a matagute sige a mateana gagarasi?

I God mo leo lai na gineu mo toga hiligi lolo taqangire tangaloi. Ko u ilo na domiana nona Vui, a vevenagi a Vui mo laqa lawe God huri na nona sinobu lo matahala mwerehi i God mo tarani.

Ira netui God hogo, i ngerehi ram siregi ve a Vui noi God vin tomue ginire.

Irahine hi ram toga mo huri na nora galegaleasi ngehi a domire mo taranie. A domire u virigi siaga lo doridori esi hi. Nge irahine hi ram vai na gineu garea ngerehi a Vui Gogona mo tarani a domire mo virigi siagagi lo doridori garea ngehi a Vui Gogona mo tarani.

Ingeie he wirisigigi Netune tea, nge u sireginie huri gide doluegi. Siu mei Jisas, a hogo, i God vin bete na gineu doluegi lawe gide.

Ko a Vui hi sibona mo bulu mena tamateda mo vai gide dam voragi netui God. Tare igide ira netui God, igide dain lei na vai garea u sao dei God bubugi mei Kraes. Nge dain gagarasi mwerehi i Kraes u lei na roroa.

Lune a sinobu a domire mo virigi lo nora galegaleasi, ingere ram qalo goro God, a vevenagi ingere rahe masinge tea ve rain ronghuri na Leohora noi God ko a hogo ingere rain he vai lei tea ve rain rongo huri na Leohora noi God.

Siserigi ngaha, a gineu doluegi hi i God u teure ram rarai gina hahavusiana huri ve i God na haharagi renetune.

Igide dau ilo huri ve a gineu doluegi hi i God u teure rau rarai mo dadari bagataha lo gagarasi, mwerena vavine mo bava maresu.