Popular Bible Verses from Nehemiya 7

Share

Kiye ti a mbye cwunn pu ba ukoh uten wu, ame ama pu ufu ti kupam-yi sang tag pu m. Ame tsab ande ti ku kyir kusog Rimam tiyang, ti ande ti ku yang akyang ti ariki uwae anyisu Lawi tsi. Ame nda inja-m Hanani ti Hananiya ti si ukwe rika ti aba na si ande ti uwe yi uten ti Urushelima. Hananiya si unde ti kubenti, u si unde ti ku kyen ikyenricwu Rimam, rukwer-wu ta-yi be.

Ame ri te ba baa, aba na mbubta-ba ifu ukoh Urushelima ti kiskinn fifae be, usir a tso pu wu titawe. A u cwunnkyi ufu ukoh wu ureb ama u tur kumbwa-wu cwunnkyi titawe akyirten u nwunn wande. Ame ri te ba cwucwo baa, a na pu ande uwae ande ti nae uwae Urushelima tsi ti a na nungkyi uten. Ariki ā tsi uwog ti a pu ba tsi ujwin atang, ariki ama ā tsi fer anunn-ba.