Popular Bible Verses from Matiyu 7

Share

“Jwam! A u nda ni iken. Sha! Ani u tu. Kwer kujwo ufu kusog! A u mbubta na ni.

Ikyaen ti, unde titini ti a jwam, a u si na wu. Unde titini ti a sha, awu u tu, unde ti a kwer kujwo ufu kusog ama, a u mbubta na wu.

“Ikyaen ayine, unde titini ti a fxen ira-m ayine u nde wande te yi, awu pangma unde ti ben ayib u ta umbyi kusog-wu ti kutxom.

“Nde na ariki iken ti afu ku sha ti a na nde na fu. Ayine ti si imbyi Icwe Musa ti iken ti kwen na ande ti ku ya iskin ira Rimam.

Amaa, ufu ti ku sang yi uwog unyang ti tsikukunn fer timambe, fengo ti ku tso yi atang ama site rikaen timambe, ande ti ku putsa atang ama ko-ba ko be.

“Ni putsa ufu ti fifer sang, ikyaen ti, ufu ti ku sang yi uwog ititwenji yaen timambe, fengo-wu ama caeb-wu caeb be. Cwucwo, ande ti ku putsa fengo wune ko timambe.

Asiti ani ande ti ku nde ikentitibi a ku pu iken ti tinyang na anyisu-ni, Itse-ni ti ta apupwen ama re? Asiti ande a jwam iken uwog-wu, awu u nde na-wu aba be a.

“Ni pwen-ni atso rikwen be, be a u pwen ni rikwen. Ikyaen ti, a u pwen ni rikwen ti fengo ti ani pwen ariki, u myae na ni te kitu kumyae ti ani myae na ariki.

“Unde ti a fxen ira-m u nde-wu wande te yi be, awu u si pangma unde ti kuskwab ti mbye kusog-wu tsitsa isa ibung.

Afu nde rimang nungye kirim ti ta uwae riyib inja-fu u nungye-fu kucwub kutuku ti ta riyib-fu be? Ko afu u kyang rimang ri te inja-fu baa, afu na u sa ruye kirim ti ta riyib-wu, kucwub kutuku ama ta riyib-fu?

“Ni nung nyinyang ti ande ti ku ya iskin ti rifen. Aba ku ru ba uwog-ni pangma iwentam rimenn ijwe ise ike, amaa uwae utob-ba, aba si ibye anyi. Ani u nungye utso ande bane uwae ajwo wande-ba ti aba ku nde. Kutukog u waen awaen anam a. A u kwaen lemo ruye yi kutuku indag a.

Kutuku ti tinyang ku waen awaen ti tinyang, amaa kutuku titibi ku waen awaen titibi ama.

Kutuku ti tinyang ku waen-wu awaen titibi be, kutuku titibi ama ku waen-wu awaen ti tinyang be.

Kutuku ti a waen-wu awaen ti tinyang be, a u yer wu si riben u sa jwunn sang uwae urwa.