Popular Bible Verses from Daniyel 9

Share

Ame jwam itijwam uwog Yaweh Rimam-m, u fxir tso ikentitibi-m baa, “Aya Itsekuru Rimam ti site kuko, ti ku nde iken ti ku fur ayib. Afu si Rimam ti ku ye su unju ti yer-fu, u site ure ti tsi kukunn te ande ti site ure te fu ku ye su icwe-fu.

Rimam-m, kyae atong ti fxen m. Sae ayib-fu si ba risu uten-ti ti ku ukaen, uten wu ti a kunn wu ti rinyi-fu. Ikyaen ti, itijwam-ti uwe-fu si-yi ikyaen itinyang-ti be, amaa, ikyaen ayibrisi-fu ti ko timambe. Itsekuru, fxen! Yata na ti! Rimam-m, naa atong ti fu nde iken iki ti ritsen ikyaen rinyi-fu, ikyaen ti, uten-fu ti ande-fu ku kunn tso rinyi-fu.”

Tiri ame kafe uwe tu Itsekuru-m Rimam, ama sha ayibrisi uwae itijwam, ti unju ti cwe. Ame sī ibae, ama mbub itóng risu-m.

Itsekuru-ti Rimam, afu si Rimam na ayibrisi, ti ku yata na ande ikentitibi, ko ti ati kpag risu te fu.

Awu u yer unju ti kpakang te ande yang-ba uwae kutsáb kinjo, ama uwae kapam kutsáb wu, awu u byangkyi iken ti a ku yerwen na Rimam, ti rinyangwae ti a ku pu ba na Rimam. Awu u sa iken ti ku txiyib tsi uwae Ukag ti sisaen, ama u nda Ukag ti sisaen wu kú ukaen, se ti ricwunnkyi ti a sa tsi, a ba kumunn pu yi risu unde wune ti ku nda uten kú ukaen.”