Popular Bible Verses from Daniyel 3

Share

Ama Shadirag, ti Meshag ti Abenego cwe wu unju baa, “Ukwe Nebukanezar, ati site-ti ira iki ti ati u ri te fu risu ira yine be. Asiti a pu ti jwunn sang uwae urwa, Rimam ti ati ku fen u nwangruye tu ti uwae urwa atang, ti uwae kujwo-fu. Amaa, asiti awu a u nwangruye-wu ati be, ukwe ā nung baa, ati na u ku riben fen-ti iken ti afu ukwe kwen te zinariya tsi be.”

Ukwe ri baa, “Nung! Ame sae ande inje ti ku kyang uwae urwa atang, iken iki nde-yi aba be. Unde ti inje-ba pangma umbae apxin.”

Nebukanezar ri baa, “Ititeb ā si ana Rimam Shadirag, ti Meshag, ti Abenego ti tom atom-wu ti apupwen ba nwangruye apyi-wu ti ru kubenti uwog-wu. Aba nyatsa icwe ukwe, u cwe iticwu u ku riben fen-ba iken iki fa Rimam-ba be, nyáng Rimam amam.

Ikyaen yine, tine, ame sa icwe tsi baa, unde iki, ko uten iki, ko unju uten iki ti a ri mbeb Rimam Shadirag, ti Meshag ti Abenego, a u kum ajwo-wu ti afxen-wu, u mbub kusog-wu si riben, ikyaen ti, apxin iki ta-wu ti u nwangru unde yi fengo yine be.”