Popular Bible Verses from Madiu 27

Share

alendo ni gai layahayagi wá hodai bini. Ani biyagola Yasuhanda bi dalimu lowa lalu, Eloi Eloi lema sabagadanai. Inanaga bi lalu, I̱naga Ngode Datagaliwabe-o i̱naga Ngode Datagaliwabe-o í̱na i̱ aginaga wahalu piribe, lene.

Tongolo miyagola Anduane Homogonaga andaha labolabo timbuni gerela ho winigo hanuni daligani howa buda ki bini. Dumbirumbi emene ndo bialu to̱le̱ timbuni kambulo baga bialu homali wiaruni tawa bu baga biyagola wali agali dewa Ngode Datagaliwabehondo mini mbiraore wu heaore homeneru mo heya hene.

Ani layagola howa Yasuhanda bi dalimu halu mende lowa buhe̱ ereba halu tongolo mini.

Ami haru haga heagobi ibu heba ami agali hearubi Yasu handaya ho hayarume dumbirumbibi mbirale bibahende biyagoni hondowa gi halu mogo tara lowa lalu, Ibu Ngode Datagaliwabe Igini heneneoredago, lene.

Horombe hanuniore howa dindi ogoni bibahendeha aruma ha ho wiaabo howa

Ani layagola Pailatehanda lalu, Anidago Yasu Mbirali Dabo Helene ka lagagohondo i̱na agi buabe, lene. Ti bibahendeme ladai bialu lalu, Ibu ira bangani ba para habe, lene. Ani layagola Pailatehanda lalu, Anidago ibugua ko agi biyabe, lene. Ani layagola tigua hongo howa dalimu laga laga bialu lalu, Ina nahondoleorego ibu ira bangani ba para habe, lene.