Popular Bible Verses from Yaguba 2

Share

Awa, dɛnkɛnɛya tugun be ɲɔgɔnna le. Ka a taranta a bele mɔgɛ tuntunna wali ɲinmanu ma koe la, wo dɛnkɛnɛya ɲusu yo bele.

Adamadeŋɛ tini faga, a bali bangue nun foofe bele kafuren bitugun, a sɔdula bele. Dɛnkɛnɛya tugun, ka a nun wali ɲinma bele kafuren, a sɔdula bele.

N nɛɛnɛdɔndɛnu, ka mɔgɛ ka a fɔ aa a be dɛnkɛnɛyaren, kɔnɔ a bele kɛwali ɲinma mala, wo sɔdula mu fen de la ba? Wo dɛnkɛnɛya mɔɔle si nɔ a lakisila ba?

I be laaren a la, aa Ala dɔrɔn de. Awa, wo kaɲin koola, kɔnɔ hali jinnanu be laaren wo la, adun anu be sɛrɛnden kilaŋɛ la.

Kɔnɔ mɔgɔ do si nɔ a fɔla, «Ile, dɛnkɛnɛya tige le mu i la, kɔnɔ nde ko ɲinma malá le mu n na.» Awa, kata i ni i la dɛnkɛnɛya yita n na hali wali ɲinma bele. Kɔnɔ nde kan, n si n na dɛnkɛnɛya yita i la n na wali ɲinmanu le sabu la.

Kiiti luŋɛ, Ala te kinikini mɔgɛ ma min ma kinikini a mɔgɔɲɔgɛnu ma. Kinikinɛ sɛnbɛ kolo kiite ko.

Wo bata a yen ⸂kɔtɛ⸃, ka mɔgɛ be dɛnkɛnɛya tun de tɔ, wolo pɛti bele a mala Ala ni a jigan telenbaga la, fɔ ka a ka wali ɲinma tugun ma.

I bata a yen, Iburahima la dɛnkɛnɛya nun a waliɲa le be walila. Wali ɲinma le be dɛnkɛnɛya lakamalila.