Popular Bible Verses from Ko fɔlɔfɔlɛ 39

Share

Alatala be Yusufu dɛmanna. A be koe min bɛ mala, a bɛ be sɔnɔyaren a bolo. A be sabatiren a marige Misira kaa bata.

Wolo ka a ma feŋɛ min bɛ be Potifari bolo, a ka a bɛ to Yusufu sagoe tɔ. A ma a hakkili sɔ fenfen ma bitugun fɔ a be dɔmɛ min dɔmɔla. Yusufu mu kayi le la min majabuta, a bɛnta han.

Geele mansa ka gelemanɛnu bɛ taaku Yusufu la. Koe min bɛ be mala, a ka Yusufu ma a bɛ kuŋɛ la.

A la kaye Potifari to banta a la kumanu mɔɛla, a la jon kaye Yusufu ka min ma a la, Yusufu marige Potifari juse yɛlɛta a koroŋɛ la. A ka Yusufu lasɔ, a ka a balan Misira mansa la gelemanɛnu be balanden ka min na. Yusufu tota geele tɔ ɲɔ. Kɔnɔ Alatala be Yusufu dɛmanna le ɲɔ tugun. A hinnɛta a la, Yusufu la ko diyata geele mansa ye.

A la mɛreŋɛ, Potifari la muse ɲa sɔta Yusufu la. A ka a fɔ a ye, a ko: «Na yan mɔ ni kafu.» Yusufu ma sɔn, a ka a fɔ a marige la muse ye: «I ka a lɔn, bɔɔla n nata n marige bata, a bele a hakkili sɔren fenfen ma bitugun a la boŋɛ butɔ. A bata a la harige bɛ to n sagoe tɔ n ni a mɛnni. Nde le tanbita a la boŋɛ butɔ mɔgɛ bɛ la. A bele n natɔnden fenfen ma, fɔ ile dɔrɔn, bayi ile bata ma a la muse la. Fen de be a mala n ni ko koroŋɛ banba ma, min mu junubu koe la Ala ye?»

Lun do, Yusufu donta a la wale madula boŋɛ butɔ, wo tɛmuɛ walilá yo bele ɲɔ butɔ. Potifari la muse ka a bita a la doroke ma, a ka a fɔ a ye: «Mɔ kafu.» Kɔnɔ Yusufu ka a la doroke to a bolo, a borita bɔɔla bara tɔ.