Popular Bible Verses from Hɔrɔya 32

Share

Bani Isirayila kaanu to ka a yen, Musa bata mɛ jigi koe la bɔɔla kɔnkɛ kunma, jama naata na Harona digii ma, anu ka a fɔ a ye, anu ko: «Ile! Ala do ɲiɲa mɔ ye, min si sɔ mɔ ɲatɔ, bayi ale Musa min ka mɔ labɔɔ Misira duge tɔ, mɔ ɲan ma a lɔn fenfen min be a masɔtɔren.»

Anu tota wolo tɔ han Alatala fɔlɔta kumala Musa ye, a ko: «Jigi ba teriya la, i la jama i ka min nabɔɔ Misira duge tɔ, anu bata murutɛ. N be anu yamɔriren kila min na, anu bata anu kɔ sɔ a la kɛ teriya tɔ: anu bata tuuradeŋɛ ɲiɲa anu fan ye sanu lakunɛndeŋɛ la, anu be sujuduren wolo ye, anu ni sarika dii a ma, anu mɛn ni to a fɔla a ma: ‹Bani Isirayila kaanu! Wo mɔ la ala le ka, min ka wo mɔ labɔɔ Misira duge tɔ!›»

Harona to ka wo yen, a ka sarika bɔɔ dula sɔ wo tuuradeŋɛ ɲatɔ, a ka a fɔ a kulɛ mayɛlɛreŋɛ la: «Sinan, murade si sɔ le Alatala ye!» Wo tabantaka, anu wulita saguma piri, anu ka sarika bintannɛŋɛnu bɔɔ anun kanunteya sarikanu. Mɔgɛnu sigita anu ka dɔmɔre ma, anu ka minfeŋɛ min. Wo kɔma, anu wulita, anu be anu diyanankoe mala.

Wo tabantaka, Musa ka a fɔ jama ye, a ko: «Wo bata junubu banba ma. Kɔtɛ, n be tayɛlɛla le kɔnkɛ kunma Alatala ma. Tumado, n si nɔ Ala madiyala, a ni wo la junube kafari.»