Popular Bible Verses from ರೋಮ್ 4

Share

ದೇವಡ ವಾಗ್ದಾನತ್‍ರ ವಿಷಯತ್ ಅಂವೊಂಗ್ ಅಪನಂಬಿಕೆ ಮಾಡತೆ, ನಂಬಿಕೇಲ್ ಸ್ತಿರಪಟ್ಟಿತ್, ದೇವಕ್ ಮಹಿಮೆ ಕೊಡ್‍ತತ್. ದೇವ ವಾಗ್ದಾನ ಮಾಡ್‍ನದ್‍ನ ನೆರೆವೇರಿಚಿಡುವಕ್ ಅಂವೊಂಗ್ ಶಕ್ತಿ ಉಂಡ್‍ೕಂದ್ ನಿಶ್ಚಯವಾಯಿತ್ ನಂಬ್‍ಚಿ.

ದುಂಬ ಜಾತಿಯಂಗಕ್ ನಿನ್ನ ಅಪ್ಪನಾಯಿತ್ ಮಾಡ್‌ವೀಂದ್ ಒಳ್‍ದಿತುಳ್ಳನೆಕೆ, ಅಂವೊ ನಂಬ್‍ನಂವೊಂಡ ಮಿಂಞತ್ ಪಿಂಞ ಚತ್ತಯಿಂಗಳ ಪುನಃ ಜೀವತ್‍ಲ್ ಕೊಂಡ್ ಬಪ್ಪಂವೊಂಡ ಮಿಂಞತ್ ಪಿಂಞ ಇಲ್ಲತದ್‍ನ ಉಳ್ಳನೆಕೆ ಕಾಕ್‍ವಂವೊನಾಯಿತ್ತುಳ್ಳ ದೇವಡ ಮಿಂಞತ್‍ಲ್ ನಂಗ ಎಲ್ಲಾರ್‌ಕು ಅಪ್ಪನಾಯಿತ್ ಆಚಿ.

ನಂಗ ನೀತಿವಂತಯಿಂಗಳಾಯಿತ್ ಆಂಡೂಂದ್, ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟಿತ್, ಅಂವೊನ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್.

ನೀಡ ಸಂತಾನಕಾರಂಗ ಇಚ್ಚಕ್ ಇಪ್ಪಾಂದ್ ಎಣ್ಣ್‌ನನೆಕೆ, ಅಂವೊ ದುಂಬ ಜಾತಿಯಂಗಕ್ ಅಪ್ಪನಾಯಿತ್ ಆಪಕ್ ಏದ್ ಸಾದ್ಯವು ಇಲ್ಲತೆ ಇಂಜತೇಂಗಿಯು, ಅದ್‍ನ ನಿರಿಕ್ಷೇಲ್ ನಂಬ್‍ಚಿ.

ಆನಗುಂಡ್, ಬಾದ್ಯತೆ ಕೃಪೆಯಿಂಜ ಬಪ್ಪನೆಕೆ ಅದ್ ನಂಬಿಕೇರ ಮೂಲಕ ಬಾತ್; ನ್ಯಾಯಪ್ರಮಾಣಕ್ ಕೂಡ್‍ನ ಸಂತಾನಕಾರಂಗಕ್ ಮಾತ್ರ ಅಲ್ಲತೆ, ನಂಗ ಎಲ್ಲಾರ್‌ಕು ಅಪ್ಪನಾನ ಅಬ್ರಹಾಮಂಡ ನಂಬಿಕೇಕ್ ಕೂಡ್‍ನ ಎಲ್ಲಾ ಸಂತಾನಕಾರಂಗಕು ಆ ವಾಗ್ದಾನ ಕಂಡಿತವಾಯಿತ್ ಬಂದಂಡುಂಡ್.

ದಾಡ ಅಕ್ರಮಕೆಲ್ಲ ಮನ್ನಿಪ್ ಕ್‍ಟ್ಟ್‌ಚೋ, ದಾಡ ಪಾಪತ್‍ನೆಲ್ಲ ದೇವ ಮುಚ್ಚಿತೋ ಅಯಿಂಗೆಲ್ಲ ಆಶೀರ್ವಾದ ಪಡ್ಂದಯಿಂಗ. ದಾಡ ಪಾಪತ್‍ನೆಲ್ಲ ಒಡೆಯ ಲೆಕ್ಕ ಮಾಡಿತ್‌ಲ್ಲೆಯೋ ಅಂವೊ ಆಶೀರ್ವಾದ ಪಡ್ಂದಂವೊ.

ದೇವಡ ವಾಕ್ಯ ಎಂತ ಎಣ್ಣಿಯಂಡುಂಡ್? ಅಬ್ರಹಾಮ ದೇವನ ನಂಬ್‍ಚಿ, ಅದ್‍ನ ದೇವ ಅಂವೊಂಗ್ ನೀತಿಯಾಯಿತ್ ಲೆಕ್ಕ ಮಾಡ್‍ಚೀಂದ್ ಎಣ್ಣಿಯಂಡುಂಡ್.