Popular Bible Verses from ಪ್ರಕಟನೆ 5

Share

ನೀನ್ ಈ ಪುಸ್ತಕತ್‍ನ ಎಡ್‍ಪಕು, ಅದ್ಂಡ ಮುದ್ರೆಯಳ ಪೊಳಿಪಕು ಯೋಗ್ಯನಾಯಿತುಳ್ಳಿಯ; ಎನ್ನಂಗೆಣ್ಣ್‌ಚೇಂಗಿ, ನೀನ್ ಮಿಂಞಲೇ ಬಲಿಯಾಯಿತ್, ಎಲ್ಲಾ ಕುಲತ್ಂಜ, ಎಲ್ಲಾ ತಕ್ಕ್‌ಯಿಂಜ, ಎಲ್ಲಾ ಜನತ್‍ಂಜ, ಎಲ್ಲಾ ಜಾತಿಯಿಂಜ ಜನಳ ದೇವಕಾಯಿತ್ ನೀಡ ಚೋರೆನಗುಂಡ್ ಬುಡ್‍ಗಡೆ ಮಾಡಿತ್

ಅಯಿಂಗಳು ಸಹ, ಬಲ್ಯ ಸ್ವರತ್‍ಲ್: ಮಿಂಞಲೇ ಬಲಿಯಾಯಿತ್ಂಜ ಕೊರಿಕುಟ್ಟಿಯಾನಂವೊ, ಶಕ್ತಿಯು, ಐಶ್ವರ್ಯವು, ಜ್ಞಾನವು, ಬಲವು, ಗನವು, ಮಹಿಮೆಯು, ತುದಿಯು ಪಡೆಯುವಕ್, ಯೋಗ್ಯನಾಯಿತುಂಡ್‍ೕಂದ್ ಪಾಟ್ ಪಾಡ್‌ಚಿ.

ನಂಗಡ ದೇವಡ ಮಿಂಞತ್, ಅಯಿಂಗಳ ರಾಜಂಗಳಾಯಿತು, ಯಾಜಕಂಗಳಾಯಿತು ಮಾಡಿತ್: ಅಯಿಂಗ ಬೂಮಿಲ್ ರಾಜ್ಯಬಾರ ಮಾಡ್‌ವಾಂದ್, ಒರ್ ಪುದಿಯ ಪಾಟ್ ಪಾಡ್‌ಚಿ.

ಅದಲ್ಲತೆ, ಪರಲೋಕತ್‍ಲ್, ಬೂಮಿಲ್, ಬೂಮಿರ ಅಡಿಲ್ ಉಳ್ಳ ಸೃಷ್ಟಿಯ, ಸಮುದ್ರತ್‍ಲ್ ಪಿಂಞ ಅದ್‍ಲ್ ಉಳ್ಳ ಸೃಷ್ಟಯ ಎಲ್ಲಾ: ಸಿಂಹಾಸನತ್‍ಲ್ ಅಳ್‌ತಂಡುಳ್ಳವೊಂಗ್ ಪಿಂಞ ಕೊರಿಕುಟ್ಟಿಯಾನಂವೊಂಗ್, ತುದಿಯು ಗನವು ಮಹಿಮೆಯು ಶಕ್ತಿಯು, ಎಕ್ಕಾಲು ಕ್‍ಟ್ಟಡ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಅಕ್ಕ, ಪೆರಿಯಯಿಂಗಡಲ್ಲಿ ಒಬ್ಬ, ನನ್ನ ನೋಟಿತ್: ನೀನ್ ಮೊರಡತೆ, ಯೆಹೂದ್ಯ ಕುಲತ್‍ರ ಸಿಂಹವೂ, ದಾವೀದ ರಾಜಂಡ ಬೇರಾಯಿತ್ ಉಳ್ಳಂವೊ ಈ ಪುಸ್ತಕತ್‍ನ ತೊರ್‌ಪಕು ಅದ್ಂಡ ಏಳ್ ಮುದ್ರೆಯಳ ಪೊಳಿಪಕು ಗೆದ್ದಿತುಂಡ್‍ೕಂದ್ ಎಣ್ಣ್‌ಚಿ.