Popular Bible Verses from ಪ್ರಕಟನೆ 16

Share

ನೋಟಿ! ನಾನ್ ಕಳ್ಳ ಬಪ್ಪನೆಕೆ ಬಪ್ಪಿ. ಞಾಣ ಆಪನೆಕೆ, ಬೆತ್ತಲೆಯಾಯಿತ್ ಇಕ್ಕತೆ, ಎಚ್ಚರತ್‍ಲ್ ಇಂಜಂಡ್ ತಾಂಡ ಬಟ್ಟೇನ ಕಾಪಾಡ್‌ವಂವೊ ಆಶೀರ್ವಾದ ಪಡ್ಂದಂವೊ.

ಆರನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಯೂಫ್ರೇಟೀಸ್ ಎಣ್ಣುವ ಬಲ್ಯ ಪೊಳೆರ ಮೇಲೆ ಬೂಕ್‍ಚಿ. ಅಕ್ಕ ಕ್‍ೕಕ್ ದಿಕ್ಕ್‌ಂಜ ಬಪ್ಪ ರಾಜಂಗಕ್ ಬಟ್ಟೆ ತಯಾರಾಪನೆಕೆ ಪೊಳೇಲ್ ಇಂಜ ನೀರ್ ಬತ್ತಿ ಪೋಚಿ.

ಅಯಿಂಗ ಅದ್ಬುದ ಮಾಡ್‌ವ ಕೂಳಿಯಂಗ; ಬೂಲೋಕತ್‍ಲ್ ಉಳ್ಳ ರಾಜಂಗಡ ಪಕ್ಕ ಪೋಯಿತ್ ಸರ್ವ ಶಕ್ತನಾಯಿತ್ ಉಳ್ಳ ದೇವಡ ಮಹಾ ದಿವಸತ್‍ಲ್ ಆಪ ಯುದ್ದಕ್ ಅಯಿಂಗಳ ಕೂಟ್‍ವಕಾಯಿತ್ ಪೊರಟಿತ್ ಪೋಚಿ.

ಆ ಸಮಯತ್‍ಲ್, ಘಟಸರ್ಪತ್‍ರ ಬಾಯಿಂಜ, ಮೃಗತ್‍ರ ಬಾಯಿಂಜ, ಪಿಂಞ ಕಳ್ಳ ಪ್ರವಾದಿಯಡ ಬಾಯಿಂಜ ಕಪ್ಪೇರನೆಕೆ ಉಳ್ಳ ಮೂಂದ್ ಕೂಳಿಯ ಪೊರಟಿತ್ ಬಪ್ಪಾನ ಕಂಡಿಯೆ.

ಅಕ್ಕ ಮನುಷ್ಯಂಗ ಬಲ್ಯ ಉರಿಲ್ ಬೆಂಜಿಪೋಪನೆಕೆ ಇಂಜತೇಂಗಿಯು, ಈ ತರ ಬಾದೇನ ಮಾಡ್‌ವಕ್ ಅದಿಕಾರ ಉಳ್ಳ ದೇವಡ ಪೆದಕ್ ದೂಷಣೆ ಎಣ್ಣ್‌ನದಲ್ಲತೆ, ಅಂವೊಂಗ್ ಮಹಿಮೆ ಕೊಡ್‍ಪನೆಕೆ ಪಶ್ಚಾತಾಪ ಪಟ್ಟಿತ್‌ಲ್ಲೆ.

ಮೊದಲನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಬೂಮಿರ ಮೇಲೆ ಬೂಕ್‍ಚಿ. ಅಕ್ಕ ಮೃಗತ್‍ರ ಮುದ್ರೆನ ಇಟ್ಟಯಿಂಗಳು ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‌ವಯಿಂಗಳು ಆನ ಮನುಷ್ಯಂಗಡ ಮೇಲ್‌ಲ್ ಬಯಂಕರವಾನ ಬಲ್ಯ ನೊಂಬಲ ತಪ್ಪ ಪುಣ್ಣ್ ಉಂಟಾಚಿ.

ಆ ಕೂಳಿಯ, ರಾಜಂಗಳ ಎಲ್ಲಾ ಕೂಟಿಯಂಡ್, ಇಬ್ರಿಯ ತಕ್ಕ್‌ಲ್ ಹರ್ಮಗೆದೋನ್ ಎಣ್ಣುವ ಜಾಗಕ್ ಕಾಕಿಯಂಡ್ ಪೋಚಿ.