Popular Bible Verses from ಮಾರ್ಕ 10

Share

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಾತ್ೕದ್ ಎಣ್ಣ್‌ಚಿ.

ಯೇಸು ಅಯಿಂಗಳ ನೋಟಿತ್: ಇದ್ ಮನುಷ್ಯಂಗಕ್ ಕಯ್ಯುಲೆ ಆಚೇಂಗಿ ದೇವಕ್ ಕಯ್ಯು. ದೇವಕ್ ಎಲ್ಲಾ ಕಯ್ಯೂಂದ್ ಎಣ್ಣ್‌ಚಿ.

ಅಕ್ಕ ಯೇಸು: ನೀನ್ ಇಲ್ಲಿಂಜ ಪೋ ನಾಡ ಮೇಲೆ ಉಳ್ಳ ನೀಡ ನಂಬಿಕೆ ನಿನ್ನ ಚಾಯಿ ಮಾಡ್‍ಚಿ. ಅಚ್ಚಕ್ ಬೆರಿಯ ಅಂವೊಂಡ ಕಣ್ಣ್ ಕಾಂಬನೆಕೆ ಆಚಿ, ಅಂವೊ ಯೇಸುರ ಕೂಡೆ ಬಟ್ಟೇಲ್ ಪೋಚಿ.

ಆನಗುಂಡ್ ದೇವ ಒಂದ್ ಮಾಡ್‍ನಯಿಂಗಳ, ಮನುಷ್ಯ ಬೋರೆ ಬೋರೆ ಮಾಡ್‌ವಕ್ ಆಗಾಂದ್ ಎಣ್ಣ್‌ಚಿ.

ಯೇಸು ಅಂವೊನ ಪ್ರೀತಿಲ್ ನೋಟಿತ್: ನೀಕ್ ಒರ್ ವಿಷಯ ಮಾತ್ರ ಕಮ್ಮಿಯುಂಡ್, ನೀಡ ಪಕ್ಕ ಉಳ್ಳದ್‍ನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಯೇಸು ಅಂವೊನ ನೋಟಿತ್: ನಾನ್ ನೀಕ್ ಎಂತ ಮಾಡಂಡೂಂದ್ ಕ್‍ೕಟತ್? ಅದ್ಂಗ್ ಅಂವೊ: ನಲ್ಲ ಉಪಾದ್ಯನೇ ನಾಕ್ ಕಣ್ಣ್ ಕಾಂಬನೆಕೆ ಮಾಡ್‍ೕಂದ್ ಎಣ್ಣ್‌ಚಿ.

ನಿಂಗಡ ಒಳ್‍ಲ್ ಅನ್ನನೆ ಇಪ್ಪಕ್ಕಾಗ. ನಿಂಗಡಲ್ಲಿ ದಾರ್‌ಕ್ ಬಲ್ಯಂವೊನಾಯಿತ್ ಇಪ್ಪಕ್ ಕುಶಿಯುಂಡೋ ಅಂವೊ ಎಲ್ಲಾರ್‌ಕು ಅಡಿಯಾಳಾಯಿತ್ ಸೇವೆ ಮಾಡ್‌ವನೆಕೆ ಇಕ್ಕಂಡು.

ದಾರಾಚೇಂಗಿಯು ಚೆರಿಯ ಮಕ್ಕಡನೆಕೆ ದೇವಡ ರಾಜ್ಯತ್‍ನ ಸ್ವೀಕಾರ ಮಾಡತೆ ಪೋಚೇಂಗಿ, ಅಯಿಂಗ ಅದ್ಂಡ ಒಳ್‍ಕ್ ಪೋಪ್‌ಲೇಂದ್ ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವೀಂದ್ ಎಣ್ಣಿತ್

ಮಿಂಞತ್‍ಲ್ ಇಪ್ಪ ದುಂಬ ಜನ ಬಯ್ಯತ್ ಆಪ, ದಾರ್ ಬಯ್ಯತ್‌ಲ್ ಇಪ್ಪ ಅಯಿಂಗ ಮಿಂಞಕ್ ಬಪ್ಪ ಎಣ್ಣಿಯಂಡ್ ಯೇಸು ಎಣ್ಣ್‌ಚಿ.

ಆಚೇಂಗಿ ಆದಿಲ್ ಮನುಷ್ಯಂಗಳ ಸೃಷ್ಟಿ ಮಾಡ್‍ನಂವೊ ಅಯಿಂಗಳ ಆಣಾಳ್ ಪೊಣ್ಣಾಳಾಯಿತ್ ಸೃಷ್ಟಿ ಮಾಡ್‍ಚಿ. ಇದ್ಂಗಾಯಿತ್ ವಡಿಯ ಅಂವೊಂಡ ಅಪ್ಪವ್ವನ ಬುಟ್ಟಿತ್ ತಾಂಡ ಪೊಣ್ಣ್‌ರ ಕೂಡೆ ಒಂದಾಯಿತ್ ಇಪ್ಪ, ಅಯಿಂಗ ದಂಡಾಳು ಒರೇ ತಡಿಯಾಯಿತ್‌ಪ್ಪ. ದೇವ ಇನ್ನನೆ ಮಾಡ್‍ನಗುಂಡ್, ಅಯಿಂಗ ದಂಡಾಳು ದಂಡಾಳಾಯಿತ್ ಇಲ್ಲತೆ ಒರೇ ತಡಿಯಾಯಿತ್ ಇಪ್ಪ.