Popular Bible Verses from ಇಬ್ರಿಯ 8

Share

ಎನ್ನಂಗೆಣ್ಣ್‌ಚೇಂಗಿ, ನಾನ್ ಅಯಿಂಗಡ ಎಲ್ಲಾ ಅನ್ಯಾಯತ್‍ನ ಕೃಪೆಯಿಂಜ ಮನ್ನಿಚಿಟ್ಟಿತ್, ಅಯಿಂಗಡ ಪಾಪತ್‍ನ ಇಂಞು ಮಿಂಞಕ್ ನಾಡ ನೆನಪ್‍ಲ್ ಬೆಚ್ಚಿತ್‌ಪ್ಪ್‌ಲೇಂದ್ ಒಡೆಯ ಎಣ್ಣಿಯಂಡುಂಡ್.

ಆ ಕಾಲ ಆನ ಪಿಂಞ ನಾನ್ ಇಸ್ರಾಯೇಲ್ ಜನತ್‍ರಕೂಡೆ ಮಾಡ್‌ವ ಒಪ್ಪಂದ ಇನ್ನನೆ ಇಪ್ಪ. ನಾಡ ನ್ಯಾಯಪ್ರಮಾಣತ್‍ನ ಅಯಿಂಗಡ ಮನಸ್ಸ್‌ಲ್ ಬೆಚ್ಚಿತ್, ಅಯಿಂಗಡ ಹೃದಯತ್‍ಲ್ ಅದ್‍ನ ಒಳ್‍ದ್‍ವಿ; ನಾನ್ ಅಯಿಂಗಡ ದೇವನಾಯಿತ್ ಇಪ್ಪಿ, ಅಯಿಂಗ ನಾಡ ಜನಳಾಯಿತ್ ಇಪ್ಪ.

ಅಕ್ಕ, ಚೆರಿಯಯಿಂಗಯಿಂಜ, ಬಲ್ಯಯಿಂಗಕತ್ತನೆ ಎಲ್ಲಾರ್‌ಕು ನನ್ನ ಗೊತ್ತಿಪ್ಪ; ಅಕ್ಕ ದಾರ್ ಒಬ್ಬನು ಒಡೆಯ ದಾರ್‍ೕಂದ್ ಗೊತ್ತ್ ಮಾಡಿಯೊಳೀಂದ್ ಬೋರೆ ಒಬ್ಬಂಗು, ತಾಂಡ ಅಣ್ಣತಮ್ಮಣಂಗಕು ಬೋದನೆ ಮಾಡ್‌ವಕ್ ಅವಸ್ಯ ಇಪ್ಪುಲೆ.

ಆಚೇಂಗಿ ಒಡೆಯ ಜನಡಮೇಲೆ ಕುತ್ತ ಕಂಡ್‍ಪುಡ್‌ಚಿತ್, ನೋಟಿ, ಇಸ್ರಾಯೇಲ್ ಪಿಂಞ ಯೆಹೂದ್ಯ ಜನತ್‍ರಕೂಡೆ, ನಾನ್ ಒರ್ ಪುದಿಯ ಒಪ್ಪಂದ ಮಾಡ್‌ವ ಕಾಲ ಬಂದಂಡುಂಡ್.

ಇಲ್ಲಿಕತ್ತನೆ ನಂಗ ಎಣ್ಣಿಯಂಡಿಂಜ ವಿಷಯತ್‍ರ ಪ್ರದಾನ್ಯತೆ ಎಂತ ಎಣ್ಣ್‌ಚೇಂಗಿ: ಪರಲೋಕತ್‍ರ ಸಿಂಹಾಸನತ್‍ಲ್ ಉಳ್ಳ ಮಹಿಮೆ ದುಂಬ್‍ನ ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಮಹಾ ಯಾಜಕ ಇಕ್ಕ ನಂಗಕ್ ಉಂಡ್.