Popular Bible Verses from ಇಬ್ರಿಯ 5

Share

ಗಟ್ಟಿಯಾನ ಆಹಾರ ಬಲ್ಯಂಗಕ್ ಮಾತ್ರ ಆಪ, ಎನ್ನನೆ ಎಣ್ಣ್‌ಚೇಂಗಿ ಅಯಿಂಗ ಅದ್‍ನ ಎಕ್ಕಾಲು ಉಪಯೋಗಿಚಿಡುವಗುಂಡ್, ನಲ್ಲದ್ ಕೆಟ್ಟದ್ ಎಂತದ್‍ೕಂದ್ ಅಯಿಂಗಕ್ ಗೊತ್ತಾಪನೆಕೆ ಅಯಿಂಗ ಪಡಿಚಿತುಂಡ್.

ನಿಂಗಡ ಕ್ರಿಸ್ತ ಬದ್‍ಕ್‍ನ ನೋಟ್‍ಚೇಂಗಿ, ಇಕ್ಕ ನಿಂಗ ಉಪಾದ್ಯಂಗಳಾಯಿತ್ ಇಕ್ಕಂಡು. ಆಚೇಂಗಿ ನಿಂಗಕೇ, ದೇವಡ ವಾಕ್ಯತ್‍ರ ಅಡಿಪಾಯತ್‍ನ ಬೋರೆಯಿಂಗ ಬೋದನೆ ಮಾಡ್‌ವನೆಕೆ ಉಂಡ್. ನಿಂಗ ಪಾಲ್ ಕುಡಿಪ ಕುಂಞಿರನೆಕೆ ಉಳ್ಳಿರ, ಗಟ್ಟಿಯಾನ ಆಹಾರತ್‍ನ ಉಂಬಕ್ ಕಯಿಂಜಂಡಿಲ್ಲೆ. ಪಾಲ್ ಮಾತ್ರ ಕುಡಿಪಯಿಂಗ ಕುಂಞಿಯಾಯಿತ್ ಉಳ್ಳಗುಂಡ್, ನೀತಿರ ವಾಕ್ಯತ್‍ರ ಬೋದನೆ ಅಯಿಂಗಕ್ ಅಬ್ಯಾಸ ಇಲ್ಲೆ.

ಅಂವೊ ದೇವಡ ಮೋಂವೊನಾಯಿತ್ ಇಂಜತೇಂಗಿಯು, ಅಂವೊ ಅನುಬವಿಚಿಟ್ಟ ಕಷ್ಟತ್‍ರಗುಂಡ್ ತಗ್ಗಿತ್ ನಡ್‍ಪದ್‌ನ ಪಡಿಚತ್. ಅಂವೊನ ದೇವ ಪರಿಪೂರ್ಣ ಮಾಡ್‍ನ ಪಿಂಞ, ಒರ್ ಮಾಹಾ ಯಾಜಕನಾಯಿತ್, ಅಂವೊಂಗ್ ತಗ್ಗಿತ್ ನಡ್‍ಪಯಿಂಗ ಎಲ್ಲಾರ್‌ಕು ನಿತ್ಯ ರಕ್ಷಣೆನ ತಪ್ಪಕುಳ್ಳಂವೊನಾಯಿತ್ ಆಚಿ.

ಯೇಸು ಈ ಲೋಕತ್‍ಲ್ ಬದ್‍ಕಿಯಂಡಿಂಜ ಕಾಲತ್‍ಲ್, ಅಂವೊನ ಚಾವ್‍ಯಿಂಜ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನ ನೋಟಿತ್, ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್, ಕಣ್ಣೀರಿಟ್ಟಂಡ್, ಪ್ರಾರ್ಥನೆ ಮಾಡಿತ್, ಬೋಡಿಯಂಡಿಂಜತ್. ಅಂವೊಂಗ್ ಇಂಜ ದೇವಡ ಬಕ್ತಿರಗುಂಡ್ ಅಂವೊಂಡ ಪ್ರಾರ್ಥನೆ ದೇವಕ್ ಎತ್ತ್‌ಚಿ.