Popular Bible Verses from ಇಬ್ರಿಯ 2

Share

ಅನ್ನನೆ, ಅಂವೊ ತಾನೆ ಪರೀಕ್ಷೆಪಟ್ಟಿತ್ ಕಷ್ಟಪಟ್ಟಗುಂಡ್, ನಂಗಕ್ ಪರೀಕ್ಷೆ ಬಪ್ಪಕ, ಸಹಾಯ ಮಾಡ್‌ವಕ್ ಶಕ್ತಿವಂತಂವೊನಾಯಿತುಂಡ್.

ಆನಗುಂಡ್, ಮಕ್ಕ ಚೋರೆ ಪಿಂಞ ತಡಿ ಉಳ್ಳಂಗಾಯಿತ್ ಇಪ್ಪಕ ಅಂವೊನು ಸಹ, ಚೋರೆ ಪಿಂಞ ತಡಿ ಉಳ್ಳ ಮನುಷ್ಯನಾಯಿತ್ ಆಚಿ; ಚಾವ್‍ರ ಅದಿಕಾರಿಯಾಯಿತುಳ್ಳ ಸೈತಾನನ ತಾಂಡ ಚಾವ್‍ರಗುಂಡೇ ನಾಶ ಮಾಡ್‍ಚಿ.

ಆನಗುಂಡ್, ನಂಗ ಕ್‍ೕಟಿತುಳ್ಳ ವಿಷಯತ್ಂಜ ಜಾರತನೆಕೆ, ಅದ್‍ನ ದುಂಬ ಎಚ್ಚರತ್‍ಲ್ ನೋಟಂಡು.

ಈ ಕಾರಣಕಾಯಿತ್, ಅಂವೊ ಜನತ್‍ರ ಪಾಪತ್‍ನೆಲ್ಲಾ ಕಳೆಯುವಕ್ ದೇವಡ ವಿಷಯತ್‍ಲ್ ಕರುಣೆ ಉಳ್ಳಂವೊನಾಯಿತು, ಸತ್ಯವಂತ ಮಹಾ ಯಾಜಕನಾಯಿತು ಆಚಿ. ಇನ್ನನೆ, ಎಲ್ಲಾ ರೀತಿಲು ತಾಂಡ ಅಣ್ಣತಮ್ಮಣಂಗಕ್ ಸಮವಾಯಿತ್ ಆಂಡೂಂದ್ ಇಂಜತ್.

ಆಚೇಂಗಿಯು, ದೇವಡ ಕೃಪೇರಗುಂಡ್ ಯೇಸು ಎಲ್ಲಾರ್‍ಕಾಯಿತ್ ಚಾವ್‍ನ ತಾಂಡ ತಡೀಲ್ ಎಡ್‌ಪಕಾಯಿತ್, ಚೆನ್ನ ಸಮಯಕ್ ದೇವದೂತಂಗಕಿಂಜ ಅಂವೊನ ಕಮ್ಮಿ ಮಾಡ್‍ಚೀಂದ್ ನಂಗ ನೋಟಿಯಂಡುಂಡ್. ಅಂವೊ ಚಾವ್‍ನ ಸ್ವೀಕಾರ ಮಾಡ್‍ನಗುಂಡ್ ದೇವ ಅಂವೊನ ಮಿಹಿಮೇರಗುಂಡ್, ಗನತ್‍ರಗುಂಡ್ ರಾಜನಾಯಿತ್ ಮಾಡ್‍ಚಿ.