Popular Bible Verses from ಆದ್ಯತ್‌ರ ಪುಸ್ತಕ 42

Share

ಅಕ್ಕ ಅಯಿಂಗ: ನಂಗ ಯೋಸೇಫಂಗ್‌ ಅನ್ಯಾಯ ಮಾಡ್‌ನಂಗ್‌ ನಂಗಕ್‌ ಇನ್ನನೆ ಆಯಂಡುಂಡ್. ಅಂವೊ ಕರುಣೆ ಕಾಟೀಂದ್‌ ನಂಗಳ ಬೋಡ್‌ವಕ, ಅಂವೊಂಡ ಮನಸ್ಸ್‌ರ ನೊಂಬಲತ್‌ನ ನಂಗ ಕಂಡಿತು, ಅಂವೊಂಡ ತಕ್ಕ್‌ಕ್‌ ಕೆಮಿ ಕೊಡ್‌ಕತೆ ಪೋಚಲ್ಲಾ. ಅದ್‌ಂಗೇ ಇಕ್ಕ ನಂಗ ಈ ಅಪಾಯತ್‌ಲ್‌ ಉಂಡ್‍ೕಂದ್‌ ಅಯಿಂಗಯಿಂಗಳೇ ತಕ್ಕ್‌ ಪರ್ಂದತ್.

ಯೋಸೇಫ ಐಗುಪ್ತ ದೇಶಕ್‌ ಅದಿಪತಿಯಾಯಿತ್‌ಂಜತ್. ಅಂವೊನೇ ಆ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರಿಯಂಡಿಂಜತ್. ಯೋಸೇಫಂಡ ಅಣ್ಣತಮ್ಮಣಂಗ ಅಂವೊಂಡ ಪಕ್ಕ ಬಂತಿತ್, ಅಂವೊಂಡ ಮಿಂಞ ಅಡ್ಡ ಬುದ್ದತ್.

ಯೋಸೇಫ ಅಯಿಂಗಳ ಅಕ್ಕಲೆ ಗುರ್‌ತ್‌ ಪುಡ್‌ಚತ್. ಆಚೇಂಗಿಯು ಅಯಿಂಗಳ ಅರಿಯತನಕೆ ಅಯಿಂಗಡ ಕೂಡೆ ಕಠಿಣವಾಯಿತ್‌ ತಕ್ಕ್‌ ಪರ್ಂದತ್. ಅಂವೊ ಅಯಿಂಗಳ ನೋಟಿತ್: ನಿಂಗ ಎಲ್ಲಿಂಜ ಬಂದಿರಾಂದ್‌ ಕ್‍ೕಟತ್. ಅಕ್ಕ ಅಯಿಂಗ: ನಂಗ ಕಾನಾನ್‌ ದೇಶತ್‌ಂಜ ಆಹಾರ ದಾನ್ಯತ್‌ನ ಕ್ರಯಕ್‌ ಎಡ್‌ತಂಡ್‌ ಪೋಪಕಾಯಿತ್‌ ಬಂದಿಯೇಂದ್‌ ಎಣ್ಣ್‌ಚಿ.