Popular Bible Verses from 2 ಕೊರಿಂಥ 4

Share

ನಂಗ ಇಕ್ಕ ಕಣ್ಣ್‌ಕ್ ಕಾಂಬದ್‍ನ ಅಲ್ಲ, ಆಚೇಂಗಿ ಕಾಂಗತದ್‍ನ ನೋಟಿಯಂಡುಂಡ್. ಎನ್ನಂಗೆಣ್ಣ್‌ಚೇಂಗಿ, ಇಕ್ಕ ನಂಗ ಕಾಂಬದ್ ಚೆನ್ನ ಕಾಲ ಮಾತ್ರ ಇಪ್ಪ, ಕಾಂಗತದ್ ನಿತ್ಯ ಕಾಲಕ್ ಇಪ್ಪ.

ಆನಗುಂಡ್ ನಂಗ ತಳ್ಂದ್ ಪೋಪುಲೆ. ನಂಗಡ ಪೊರಮೆ ಉಳ್ಳ ಮನುಷ್ಯ ಪಾಳಾಯಿ ಪೋಯಂಡಿಂಜತೇಂಗಿಯು, ನಂಗಡ ಒಳ್‍ಲ್ ಉಳ್ಳ ಮನುಷ್ಯ ಓರೋರ್ ದಿನವು ಪುದಿಯದಾಯಂಡುಂಡ್. ಇಂಞು, ಒರ್ ಗಳಿಗೆಲ್ ಕಾಂಗತ ಆಪ ತೂವೆಯಾಯಿತುಳ್ಳ ನಂಗಡ ಈ ಕಷ್ಟ, ನಂಗಕ್ ದುಂಬ ಬಲ್ಯ ನಿತ್ಯ ಗನಪಟ್ಟ ಮಹಿಮೆನ ಉಂಟ್ ಮಾಡ್‌ವ.

ನಂಗಕ್ ಎಲ್ಲಾ ಕಡೇಯಿಂಜ ನೊಂಬಲ ಬಾತೇಂಗಿಯು ನಂಗ ನೆರ್ಂಗಿ ಪೋಯಂಡಿಲ್ಲೆ, ಕಷ್ಟಪಟ್ಟಂಡಿಂಜತೇಂಗಿಯು ಮನಸ್ಸ್ ಬುಟ್ಟ್ ಪೋಪುಲೆ. ಹಿಂಸೆ ಪಟ್ಟಂಡುಂಡೇಂಗಿಯು, ಕೈ ಬುಟ್ಟ ಜನಾಂಗ ಅಲ್ಲ; ಅಡಿಕ್ ತಳ್ಳ್‌ಚೇಂಗಿಯು, ನಾಶ ಆಯಂಡಿಲ್ಲೆ.

ಈ ಮಹತ್ವತ್‍ರ ಶಕ್ತಿ ನಂಗಡಗುಂಡ್ ಬಂದದಲ್ಲ, ಆಚೇಂಗಿ ದೇವಡಗುಂಡ್ ಬಂದದ್‍ೕಂದ್ ಕಾಂಬ್‍ಚಿಡುವನೆಕೆ, ಈ ಬಂಡಾರತ್‍ನ ಮಣ್ಣ್‌ರ ಪಾತ್ರತ್‍ರನೆಕೆ ಉಳ್ಳ ನಂಗಡ ತಡೀಲ್ ಪಡ್ಂದಿತುಂಡ್.

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

ಇರ್‌ಟ್‌ಂಜ ಬೊಳಿನ ಮಿನ್ನ್‌ವಕ್ ಎಣ್ಣ್‌ನ ದೇವ, ಯೇಸು ಕ್ರಿಸ್ತಂಡ ಮೂಡ್‍ಲ್ ಉಳ್ಳ ತಾಂಡ ಮಹಿಮೇರ ಜ್ಞಾನತ್‍ರ ಬೊಳಿನ ತಪ್ಪಕಾಯಿತ್, ನಂಗಡ ಹೃದಯತ್‍ಲ್ ಮಿನ್ನ್‌ಚಿ.