Popular Bible Verses from 1 ತಿಮೊಥೆಯ 4

Share

ನೀನ್ ಬಾಲೆಕಾರೆನಾನಗುಂಡ್ ದಾರೂ ನಿನ್ನ ಕ್‍ೕಳಾಯಿತ್ ನೋಟತನೆಕೆ, ನೀಡ ತಕ್ಕ್‌ಲ್, ನಡತೇಲ್, ಪ್ರೀತಿಲ್, ನಂಬಿಕೇಲ್ ಪಿಂಞ ಶುದ್ದತ್‍ಲ್ ಯೇಸುನ ನಂಬ್‍ನಯಿಂಗಕ್ ಉದಾರಣೆಯಾಯಿತ್‌ರ್.

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.

ನೀಡ ವಿಷಯತ್‍ಲ್, ನೀಡ ಬೋದನೆರ ವಿಷಯತ್‍ಲ್ ಎಚ್ಚರತ್‍ಲ್ ಇರ್. ಅನ್ನನೆ ಮಾಡಿಯಂಡಿಂಜತೇಂಗಿ, ನೀಡ ಬದ್‍ಕ್‍ನ ಪಿಂಞ ನೀಡ ಬೋದನೆನ ಕ್‍ೕಪಯಿಂಗಡ ಬದ್‍ಕ್‍ನ ಕಾಪಾಡ್‍ವಿಯ.

ಪವಿತ್ರಾತ್ಮ ಚಾಯಿತೆ ಎಣ್ಣ್‌ವನೆಕೆ, ಬಪ್ಪ ಕಾಲತ್‍ಲ್ ಚೆನ್ನ ಜನ ವಂಚನೆ ಮಾಡ್‌ವ ಆತ್ಮತ್‌ನ ನಂಬಿತ್, ಕೂಳಿಯಡ ಬೋದನೆಕ್ ಕೆಮಿ ಕೊಡ್‌ತಿತ್, ಸತ್ಯತ್‍ರ ನಂಬಿಕೇನ ಬುಟ್ಟಿತ್ ಪೋಪ.

ಪ್ರಯೋಜನವಿಲ್ಲತ ವಿಷಯತ್ ತರ್ಕ ಮಾಡಿಯಂಡ್, ಸತ್ಯ ಇಲ್ಲತ ಅಜ್ಜಿಯಡ ಕಥೇನ ಕ್‍ೕಟಂಡ್ ಸಮಯ ಕಳೆಯಂಡ. ಅದ್ಂಡ ಬದ್‍ಲ್ ದೇವಬಕ್ತಿಲ್ ಇಪ್ಪಕ್ ಪ್ರಯತ್ನಪಡ್.

ನಾನ್ ಬಪ್ಪಕತ್ತನೆ ದೇವಡ ವಾಕ್ಯತ್‍ನ ಜನಡ ಮದ್ಯತ್‍ಲ್ ಓದ್‍ವಕ್, ಬುದ್ದಿ ಎಣ್ಣ್‌ವಕ್, ಬೋದನೆ ಮಾಡ್‌ವಕ್ ಎಚ್ಚರತ್‍ಲ್ ಇರ್.