Popular Bible Verses from 1 ಯೋಹಾನ 3

Share

ನಾಡ ಪ್ರೀತಿರ ಮಕ್ಕಳೇ, ನಂಗಡ ಪ್ರೀತಿ ಬರಿ ತಕ್ಕ್‌ಬಾಕ್‍ಲ್ ಮಾತ್ರ ಇಪ್ಪಕ್ಕಾಗ, ಆಚೇಂಗಿ ಸತ್ಯತ್‍ಲ್ ಪಿಂಞ ಕ್ರಿಯೇಲ್ ಕಾಟಂಡು.

ಕ್ರಿಸ್ತ ನಂಗಕಾಯಿತ್ ತಾಂಡ ಜೀವತ್‍ನ ತಂದಗುಂಡ್, ಪ್ರೀತಿ ಎಣ್ಣುವದ್ ಎಂತದ್‍ೕಂದ್ ನಂಗಕೆಲ್ಲ ಗೊತ್ತಾಚಿ. ಆನಗುಂಡ್ ನಂಗಳು ಸಹ ನಂಗಡ ಅಣ್ಣತಮ್ಮಣಂಗಕಾಯಿತ್ ಜೀವತ್‍ನ ಕೊಡ್‍ಕಂಡು!

ನಂಗಳ ದೇವಡ ಮಕ್ಕಾಂದ್ ಕಾಕ್‍ನಗುಂಡ್ ನಂಗಡ ದೇವನಾನ ಅಪ್ಪ ನಂಗಡ ಮೇಲೆ ಇಟ್ಟಿತ್ತುಳ್ಳ ಪ್ರೀತಿ ಎಚ್ಚಕ್ ಬಲ್ಯದ್‍ೕಂದ್ ನೋಟಿ! ಅಕ್ಕು, ನಂಗ ದೇವಡ ಮಕ್ಕಳೇ! ಆಚೇಂಗಿ, ಈ ಲೋಕತ್‍ರ ಜನ ನಂಗಳ ದೇವಡ ಮಕ್ಕಾಂದ್ ಅರಿಂಜಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗಕ್ ದೇವನ ಗೊತ್ತ್‌ಲ್ಲೆ.

ಆಚೇಂಗಿ, ಪಾಪ ಮಾಡಿಯಂಡೇ ಇಪ್ಪಯಿಂಗ ಸೈತಾನಂಗ್ ಕೂಡ್‍ನಯಿಂಗ, ಎನ್ನಂಗೆಣ್ಣ್‌ಚೇಂಗಿ ಸೈತಾನ ಆದಿಯಿಂಜಲೆ ಪಾಪ ಮಾಡಿಯಂಡುಂಡ್. ದೇವಕುಮಾರ ಸೈತಾನಂಡ ಕೆಲಸತ್‍ನ ಪಾಳ್ ಮಾಡ್‌ವಕಾಯಿತೇ ಈ ಲೋಕಕ್ ಬಾತ್.

ದೇವಡ ಮಕ್ಕಳಾಯಿತ್ ಆನಯಿಂಗ ಪಾಪ ಮಾಡಿಯಂಡೇ ಇಪ್ಪುಲೆ. ಎನ್ನಂಗೆಣ್ಣ್‌ಚೇಂಗಿ, ದೇವಡ ಜೀವ ಅಂವೊಂಡಲ್ಲಿ ಬೇರ್‌ರೂರಿ ಪೋಯಿತುಂಡ್ ಪಿಂಞ ದೇವ ಅಯಿಂಗಡ ಅಪ್ಪನಾನಗುಂಡ್ ಪಾಪ ಮಾಡಿಯಂಡೇ ಇಪ್ಪಕ್ ಕಯ್ಯುಲೆ.

ಈ ಲೋಕತ್‍ಲ್ ದುಂಬ ಸಂಪತ್ ಉಂಡೇಂಗಿಯು, ತಾಂಡ ಅಣ್ಣತಮ್ಮಣಂಗ ಕಷ್ಟತ್‍ಲ್ ಉಳ್ಳದ್‍ನ ನೋಟಿತ್, ದಯೆ ಕಾಟತೆ ಪೋನಕ, ದೇವಡ ಪ್ರೀತಿ ಅಂವೊಂಡೊಳ್‌ಲ್ ಉಂಡ್‍ೕಂದ್ ನಂಗ ಎನ್ನನೆ ಎಣ್ಣುವಕಯ್ಯು?

ಅಂವೊಂಡ ಆಜ್ಞೆರ ಪ್ರಕಾರ ನಡ್‌ಪಂವೊ, ದೇವಡ ಕೂಡೆ ಇಪ್ಪ, ದೇವನು ಅಂವೊಂಡ ಕೂಡೆ ಇಪ್ಪ. ಅಂವೊ ನಂಗಡ ಕೂಡೆ ಉಂಡ್‍ೕಂದ್ ಉಳ್ಳದ್ ಅಂವೊ ನಂಗಕ್ ಕೊಡ್‍ತ ಪವಿತ್ರತ್ಮಾತ್ಂಜಲೇ ನಂಗಕ್ ಗೊತ್ತಾಪ.

ಇನ್ನನೆ, ದೇವಡ ಮಕ್ಕ ದಾರ್, ಸೈತಾನಂಡ ಮಕ್ಕ ದಾರ್‍ೕಂದ್ ನಿಂಗಕ್ ಗೊತ್ತಾಪ. ನೇರಾನ ಬಟ್ಟೇಲ್ ನಡ್‍ಕತಯಿಂಗ ಪಿಂಞ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‍ತಯಿಂಗಳಾನ ಅಯಿಂಗ ದೇವಡ ಮಕ್ಕ ಅಲ್ಲ.

ನಂಗ ಒಬ್ಬೊಬ್ಬನ ಪ್ರೀತಿ ಮಾಡಂಡೂಂದ್ ಎಣ್ಣುವ ಬೋದನೆನ ನಂಗ ಆದಿಯಿಂಜಲೆ ಕ್‍ೕಟಿತುಳ್ಳಿರ.

ಆನಗುಂಡ್ ಅಣ್ಣತಮ್ಮಣಂಗಳೇ, ಈ ಲೋಕ ನಿಂಗಳ ದ್ವೇಶ ಮಾಡ್‍ಚೇಂಗಿ ಆಶ್ಚರ್ಯ ಪಡತಿ.