Popular Bible Verses from 1 ಕೊರಿಂಥ 13

Share

ಪ್ರೀತಿ ತಾಳ್ಮೆಯು ದಯೆಯು ಉಳ್ಳದ್; ಪ್ರೀತಿಕ್ ಒಟ್ಟೆಕಿಚ್ಚ್ ಇಲ್ಲೆ, ಪ್ರೀತಿ ಹೊಗ್‍ಳ್‍ಚಿಡುಲೆ, ಆಂಗಾರ ಪಡುಲೆ. ಪ್ರೀತಿ ಮರ್ಯಾದಿ ಇಲ್ಲತೆ ನಡ್‍ತುಲೆ. ಅದ್ ತಾಂಡ ಸ್ವಂತದ್‍ನ ಮಾತ್ರ ಗೇನ ಮಾಡುಲೆ, ಪ್ರೀತಿ ಬೆರಿಯ ಚೆಡಿ ಮಾಡುಲೆ, ಬೋರೆಯಿಂಗ ಕೆಟ್ಟದ್ ಮಾಡ್‌ನಾನ ಲೆಕ್ಕ ಬೆಚ್ಚೊಲೆ.

ಪ್ರೀತಿ ಎಲ್ಲಾನ ತಾಂಗುವ, ಎಲ್ಲಾ ವಿಷಯತ್‍ಲು ನಂಬಿಕೆ ಇಡ್‌ವ, ಎಲ್ಲಾ ವಿಷಯತ್ ನಿರಿಕ್ಷೇಲ್ ಇಪ್ಪ, ಎಲ್ಲಾನ ಸಹಿಸುವ.

ಅನ್ಯಾಯತ್‍ಲ್ ಕುಶಿ ಪಡುಲೆ, ಆಚೇಂಗಿ ಸತ್ಯವಾನ ಕಾರ್ಯ ಮಾಡ್‌ವಕ ಕುಶಿ ಪಡುವ.

ಆನಗುಂಡ್, ಮೂಂದ್ ವಿಷಯ ಎಕ್ಕಾಲು ಇಪ್ಪ, ನಂಬಿಕೆ, ನಿರೀಕ್ಷೆ ಪಿಂಞ ಪ್ರೀತಿ. ಈ ಮೂಂದ್‍ಲ್ ಪ್ರೀತಿಯೇ ಬಲ್ಯದ್.

ಪ್ರೀತಿ, ಎಕ್ಕಾಲು ಬುದ್ದ್ ಪೋಪುಲೆ. ಪ್ರವಾದನೆ ಎಣ್ಣ್‌ವದ್ ಇಲ್ಲತಾಪ, ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿವದ್ ಇಲ್ಲತಾಯಿ ಪೋಪ, ಬುದ್ದಿಯು ಇಲ್ಲತಾಯಿ ಪೋಪ.

ನಾನ್ ಮನುಷ್ಯಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ದೇವದೂತಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ನಾಕ್ ಜನಡಮೇಲೆ ಪ್ರೀತಿ ಇಲ್ಲತೆಪೋಚೇಂಗಿ, ಆ ತಕ್ಕ್, ಕಂಚ್ ಪಾತ್ರ ಮಾಡ್‌ವ ಸದ್ದ್‌ರನೆಕೆ, ಅಥವ ಗಂಟೆ ಪೊಜ್ಜನೆಕೆ ಇಪ್ಪ.

ನಾನ್ ಪ್ರವಾದನೆ ಮಾಡ್‌ವ ವರತ್‍ನ ಪಡ್ಂದಂವೊನಾಯಿತ್, ಎಲ್ಲಾ ಗುಟ್ಟ್‌ನ ಪಿಂಞ ಬುದ್ದಿನ ಅರ್ಥಮಾಡ್‍ಂವೊನಾಯಿತ್ ಇಂಜತೇಂಗಿಯು, ಕುಂದ್‍ನ ತಳ್ಳ್‌ವಕುಳ್ಳ ಎಲ್ಲಾ ನಂಬಿಕೆ ಉಳ್ಳಂವೊನಾಯಿತ್ ಇಂಜತೇಂಗಿಯು, ನಾಕ್ ಪ್ರೀತಿ ಇಲ್ಲತೆಪೋಚೇಂಗಿ, ನಾನ್ ಒಂದು ಇಲ್ಲೆ.

ನಾಡ ಪಕ್ಕ ಉಳ್ಳ ಎಲ್ಲಾನ ಕೊಡ್‍ಪಕ್ ಮನಸ್ಸ್ ಇಂಜತೇಂಗಿಯು, ಅದ್ ಮಾತ್ರ ಅಲ್ಲತೆ, ನಾಡ ತಡೀನ ಚುಡ್‌ವಕ್ ಕೊಡ್‍ಪಕ್ ಮನಸ್ಸ್ ಇಂಜತೇಂಗಿಯು, ನಾಕ್ ಪ್ರೀತಿ ಇಲ್ಲತೆಪೋಚೇಂಗಿ, ನಾಕ್ ಒರ್ ಪ್ರಯೋಜನವು ಇಲ್ಲೆ.

ನಾನ್ ಕುಂಞಿಯಾಯಿತ್‌ಪ್ಪಕ, ಒರ್ ಕುಂಞಿರನೆಕೆ ತಕ್ಕ್ ಪರ್ಂದಿಯೆ, ಒರ್ ಕುಂಞಿರನೆಕೆ ಗೇನ ಮಾಡ್‍ನ ಪಿಂಞ ಒರ್ ಕುಂಞಿರನೆಕೆ ಅರ್ಥ ಮಾಡಿಯಂಡಿಯೆ, ಆಚೇಂಗಿ ನಾನ್ ಬಲ್ಯಂವೊನಾನ ಪಿಂಞ ಕುಂಞಿರ ಗುಣತ್‍ನೆಲ್ಲ ಬುಟ್ಟಿಯೆ.