Popular Bible Verses from Hebrearane 11

Share

Men tru er full vissa um det som ein vonar, yvertyding um ting som ein ikkje ser. For på grunn av henne fekk dei gamle godt vitnemål.

men utan tru er det umogeleg å tekkjast Gud; for den som stig fram for Gud, lyt tru at han er til, og at han løner dei som søkjer han.

Ved tru skynar me at verdi er skapt ved Guds ord, so det som ein ser, ikkje vart til av det synlege.

Ved tru var Abraham lydig då han vart kalla, so han drog ut til den staden han skulde få til arv; og han tok ut endå han ikkje visste kvar han skulde koma. Ved tru heldt han ut som utlending i det landet han var lova, liksom i eit framandt land, og budde i tjeld saman med Isak og Jakob, som var medervingar til den same lovnaden

Ved tru var det Noah, då Gud varsla han um det som ein ikkje såg endå, med heilag otte bygde ei ark til frelsa for sitt hus; ved henne fordømde han verdi og vart erving til den rettferd som er av tru.

Ved tru vart Enok burtrykt, so han ikkje skulde sjå dauden, og han vart ikkje funnen, av di Gud hadde rykt han burt. For fyrr han vart burtrykt, fekk han det vitnemålet at han tektest Gud

Ved tru bar Abel fram for Gud eit betre offer enn Kain; ved henne fekk han det vitnemålet at han var rettferdig, med di Gud vitna um gåvone hans, ved henne talar han enno, etter han er dåen.

Ved tru fekk og Sara kraft til å grunnleggja ei ætt, og det trass i alderen sin, for ho heldt han for trufast som hadde lova det.

for han venta på byen med dei faste grunnvollane, som Gud er byggmeister og skapar til.

Ved tru vilde Moses, då han vart stor, ikkje kallast dotterson til Farao; han valde heller å lida vondt saman med Guds folk enn å hava ei stuttvarig njoting av syndi, og heldt Kristi vanære for større rikdom enn Egyptarlands skattar; for han såg fram til løni. Ved tru forlet han Egyptarland uredd for kongens vreide; for han heldt ut, som um han såg den usynlege.

Ved tru ofra Abraham Isak den gongen han vart freista; ja, einaste son sin ofra han som hadde fenge lovnadene

Ved tru slapp skjøkja Rahab å ganga under med dei vantruande, då ho hadde teke imot speiarane med fred.

Ved tru gjekk dei gjenom Raudehavet liksom yver turt land; men då egyptarane freista på det same, drukna dei.

Ved tru fall Jerikos murar, då dei hadde gjenge kring dei i sju dagar.

Ved tru heldt han påsken med blod-strjukingi, so tynaren ikkje skulde røra deira fyrstefødde.

Ved tru tala Josef på sitt siste um at Israels-borni skulde ganga ut, og gav påbod um beini sine.

Ved tru velsigna Jakob døyande kvar og ein av Josefs søner og tilbad, bøygd yver knappen på staven sin.

Ved tru velsigna Isak Jakob og Esau, med syn på det som skulde koma.