Popular Bible Verses from Titu 2

Share

Mmanawa Kiyavwiye Uhokri kuwis hiyapkis gabay gitkis madikte hiyeg. Ini gabay innewa keh wixwiy isahptaw. In gabay hiyakemnihwiy kahadbe wixwiy tukuhwevwa ariw gihiyekemnikis hiyeg ku pariye kane wewnevwima gikak Kiyavwiye Uhokri. In gabay hiyakemnihwiy kahadbe wixwiy ka iveganaw arimkat batekka amadgaya inin akiw. In gabay in hiyakemnihwiy kahadbe wixwiy wew akak kibeyne hiyakemniki, kahadbe kuri akak inin wixwiy wew wadit wixwiy ikaw Uhokriyanbetnewa.

In keh wixwiy wahap akak madikte ukamaxwanwiy ini kibeyne hawkri danuh ku aysaw Uwohkigawiy wamnihtenwiy Jesus Cristo hiyapkiswa wotwiy ka gikiytanisima. Kibeyne, ig umahkiswe udukwenavrikwiy giwnteknewa adahan ig sagahptevye wixwiy ariw madikte uvathawniwiy. Mmanawa gimawkan ig keh wixwiy humaw barewvityevwi hiyeg, hiyeg gidahannenwa Kiyavwiye Uhokri, hiyeg ku pariye batekyevwi keh kabaykanen.

Kehnaba kabayka ayge gibetkis avanenekwa adahan igkis kannuhwa pit. Ka ba taraksa pahatnema iwit ku pariye pis kannuhgikis nimin. Akkanaba Kiyavwiye Uhokri giwn akak madikte kiyatka. Awnanaba kibeynenen iwit avanenekwa kahadbe hiyeg ka ik adahan igkis awna pimin ku pis ka kibeynema. Ayge nikwe, uvetunyavuwiy hiyapni hene, igkis marekevwenek, igkis ka hiya igkisma pitimnak ukakwiy akiw.