Popular Bible Verses from Romanus 1

Share

Mmanawa nah ka mara akak inakni kibeyne inetit. Nah batek kinetihwa nimin. In Uhokri gidatni adahan amnihne madikte hiyeg ku pariye ihpenevwi giwn. Pitatye in kawih adahan amnihne hiyeg judeyenevwi. Kurime in kawih adahan amnihne hiyeg ku pariye kane judeyenevwima hawata.

Inakni kibeyne inetit akka adahan ku samah wis misakwa kibeyne giwtrik Uhokri. Wis humaw kewa kibeynebe giwtrik Uhokri awaku ku samah wis kamaxwa givitit Jesus Cristo. Ininewa ukamaxwanwiy keh wixwiy kibeyne. In Uhokri gannasan awna: “Pahavwi ku pariye kakamaxwan givitit Uhokri, igi kibeyne giwtrik Uhokri, ig aymuhwanek gimun Uhokri adahan avanenekwa.”

ku samah akavuska hawkri. Ig ka hiyapkarati akakma wowtyak amadgaya inin. Heneme ig akka wotwiy huwewe ku ig ay adahan avanenekwa. Ini ku samah ig keh madikte ariknebdi ay amadga hawkri ini areketni wotwiy ku ig gidatni yuma amaksemni. Nikwe igkis ka hiya igkisma awna ku igkis ka hiyak ba Uhokri aywatma.

Ku igkis awna inakni hene, igkis tarakse giwntekneswa. Igkis kuwis hiyakni ku Uhokri ay, heneme igkis ka kiyathig, igkis ka kawohkigahawkere git ine igkis kawnata kabayhig. Heneme igkis ikatuswate arit mahayakemniki. Yuma hiyakemniki abet gihiyekemnikis. He misanpikinen ayge. Mmanawa igkis ka pukuha Uhokri gihiyekemni ku pariye inyewatnene.

Igkis kamaxwa avitit hiyakemniki ku pariye he wasaymkanenwa he igkis miyehe Uhokri gihiyekemni ku pariye inyewatnene. Mpinekata igkis kawohkigahaw git Uhumtenwiy, igkis kawohkigahaw aritpa ku pariye Uhumtenwiy gikehavan. Bawa ignewa Uhokri ku pariye kis adahan wis kawohkigahaw git. Henewatbaki ig.

Ig Uhokri kuwis akka wotwiy ku ig ka amava hiyeg gihiyekemnikis ku pariye mbeyevye. Ig ka batek akak gitaraksankis neras hiyeg mbayavye ku pariye mataybiswevye ariw hiyakemniki ku pariye inyewatnene.

Awaku ini gihiyekemnikis mbeyevyenen ig Uhokri isaksevgikis adahan igkis keh ku pariye igkis kehkerevye. Ayge nikwe egkis tinogben miniw ariw guwewnikis gikakkis gugihgikis ku pariye waditnene. Egkis wages adahan guwewnikis ku pariye kane wadit. Egkisweke kamaxekbet pawtak. Hawata awaykemni miniw ariw giwewnikis ku pariye waditnene gukakkis gihayokis. Igkisweke miyarhaw pawtak. Awaykemni igkisweke kamaxekbet pawtak. Ayge nikwe igkis uti mbeyne ku pariye kawih gidahankis avatra ini gikehnikis mbeyevyenen. Ku samah igkis ka kiyekere Uhokri abet gihiyekemnikis, nikwe ig isaksevgikis adahan igkis wew akak gidahankiswa gihiyekemnikis ku pariye mbeyevyenen hiyakemniki adahan igkis keh ku pariye kane kis adahan igkis keh.

Igkis ikawnamahkis ke wotbe igkis hiyakemniyebe hiyeg, bawa amun ini nikwe igkis humaw mahayakemnivye. Mmanawa igkis ka kawohkigahawkere git Uhokri ku pariye ka gikiytanisima kane hiyap miyaka. Igkisme kawohkigahaw aritpa arikna ku pariye kane ik adahan bisiksaw ariw miyaka. Igkis kawohkigahaw arit awayg amadgaya inin gahehpak, arit kuhivra gahehpak, arit puwikne gahehpak, arit kawapnene gahehpak.