Popular Bible Verses from Apokalipsi 8

Share

Ayteke ku aysaw ner Muwtohyan hakuhe ini ntewnehkervye makaksaki. Aynewa madikte misekwe tinwovu aynte inurik adahan abusku ler.

Ayteke ner pitatye ahj agighe. Aynewa muwok tiphawnawa wageska payegbitak akak tiket, wageska payegbitak akak migat in padekwika temkete amadgate wayk. Ayge nikwe kaba abuskuhwa waxri wohe muwapuw amadga hawkri, hawata kaba abuskuhwa ahavwi wohe, hawata akiw madikte pamatkaviyene avan wohe.

Ayteke nah sarayh nuvegi, nah hiyap pahavwi avakni ig amaravari aynte inurik. Nah timap ig awna akak madikte giwakemni. Giwn: — Akayih! Akayih! Akayih! Neras misekwenevwi amadga wayk igkis ka aynsima hiyaptenek mbeyne akiw kuwewanek avim ini ku aysaw neras mpenemnene ahj agighanek.

Ayteke ner giveynivye ahj agighe. Aynewa arikna ke paha waxri imuwadnebe in kadawempiye akak tiket in padekwika temkete ahakwate parahwokwa. Ayge nikwe kaba abuskuhwa parahwokwa wageswe migat.

Ayteke ner gimamnampiye ahj agighe. Aynewa paha warukma nopsadnene kadawempiye ke abukribe in tuguhe inuriktak. In tuguhe ahakwat kaba abuskuhwa warikviyene. Hawata akiw in tuguhe ahakwat un ariwtyakviyene. Ini warukma kanumka “Tiviyka”. In keh kaba abuskuhwa un tiviyvi. Ayge ka aynsima hiyeg miyarap awaku igkis higap ini un tiviyviye.

Ayteke ner givaxnikanpiye ahj agighe. Aynewa kaba abuskuhwa kamuw huwivwihpika, kaba abuskuhwa kayg huwivwihpika, kaba abuskuhwa warukma huwivwihpika adahan gibutnikis ka kabutni kiyesradima akiw. Ayge nikwe kaba abuskuhwa puwivaka ka kabutni. Hawata kaba abuskuhwa mitipka kawnata kabutni.