Popular Bible Verses from Apokalipsi 21

Share

Ig manwotigkisnek ariw gikantakkis madikte. Ayge gimun yuma miyaka akiw. Yuma kadniki akiw. Yuma tihaki akiw. Yuma kayahwaki akiw. Mmanawa madikte arikna minikweknene in kuwis mpiye.

Ayteke ig Uhokri ku pariye betnene amadga gevwi kiyatyo, ig awna: — Avim inin nah keh madikte arikna nukunekuye. Pisenwa nikwe ig awna nutuh. Giwn: — Tamaknaba inakni nuwnuh amadga kagta. Mmanawa inakni iwit in inyewatbaki. Ik adahan hiyeg kamaxwa nivitit, mmanawa in ka waditnevyenenma.

Ayteke nah timap pahat ikuvimnat ka ahawnasima pes ayteke ahumwatak Uhokri gevwi. In awna: — Kuri han pitatit Uhokri kavinwene ay gibetkis hiyeg amadgayavu inin. Ig misekwene gikakkis. Igkisme gihiyegavu. Igme giwohkigakis. Kibeyne, Uhokriwa ay gimunkis kuri.

Ayteke ig awna akiw: — Kuwis madikte pisenwa. Nahnewa akavuska. Nahwata amaksemni. Yuma pahavwinema navitkignema. Yumahwata ewka nuwenuh akiw. Ku pahavwi nuharitwiye kiyesrad ke pahavwi hiyeg arabuvyebe un, nikwe nah ikinek git un ariwntak ini un dehetniki ahawkri ku pariye keh ig aymuhwa numun adahan avanenekwa. He nukannunen nah ikinek git.

Ku ig ka isaksaw arit wavitye gihiyekemni, nikwe ig utinek madikte kabayka. Avim ini nahme giwohkiga, igme nukamkayh.

Heneme hiyeg avisatruvye gikakkis hiyeg kinisekevutnevwi, hiyeg patahwavye, hiyeg umehekevutnevwi, hiyeg mahayakemnavye, hiyeg ihamwigben, hiyeg kiyathenevwi ahehpakti batakkarad, madikte hiyeg wasaymavye, igkis madikte utinek giwetrikis abet egu tiket ahawkri ku pariye wohnenekwa adahan avanenekwa wageska payegbitaknen akak ini pisukumpiye ku pariye bixiwahnene arihri. Innebaki aveynivye miyaka.

Ayteke ariwnteke ini nah hiyap nukune en akak nukune waxri, mmanawa ini pitatye en akak ini pitatye waxri in kuwis mehwe payak akak parahwokwa.

Ayteke nah hiyap nawenyewa paytwempu akiw. In barewye paytwempu. Ini nukune Jerusalém, Uhokri gihiyegavu giwetrikis. In muhukempi inuriktak giwntak Uhokri. In bereswavu ke pahavu tinobe akak gubereswan ahegbet adahan patiptakano gubetki.

Hawata akiw ini paytwempu ka muwaka kamuw ine kawnata muwaka kayg adahan kabutnihne ayge, mmanawa inwa Uhokri gamuwyi uguh ini paytwempu. Hawata ig ner Muwtohyan ig abukri adahan ini paytwempu. Nah hiyap gaytakkis madikte hiyegviyenevwi igkis wewnekuye abet nibutni. Nah hiyap madikte ikivaratviyene amadgayavu inin igkis ewknes igiska nivitit. Ku pahavwi parekere atere, hiyawa ig parak