Popular Bible Verses from Apokalipsi 19

Share

Uyay batek uminwiy. Uyay kabayha giw. Mmanawa kuwis ahawkanavrik danuh adahan Muwtohyan gifetra adahan maripkawka. Kibeyne, kuwis nor gibetki ahegbetaw adahan eg misakwano pahavwiwa gikak adahan avanenekwa.

Hawata nah hiyap pahat giw akiw in tamak abet gisimsa ay gihuwmin. Inakni giw “Ikivarat Gikivarakis. Ig Kumaduka Madikte Ku pariye Kumadukenevwi.”

Ayteke nah hiyap en woke. Ayge nah hiyap pahavwi kaway seyne. Nah hiyap pahavwi giduhyamadga kaway ig igyewa waditye ig kis adahan wixwiy iveg givitit. Ig keh wadit ku samah ig katiwnise hiyeg gitaraksankis gitkis. Ig keh wadit ku samah ig kavetunsa hiyeg patahwavye.

Giwtyak kewa tiket akadweybe. Nah hiyap ka aynsima gisuwvren kehka akak karukri wahano ay gitewha adahan areketni ku samah ig kumadukene madikte. Giw tamak ay givit, heneme yuma hiyeg ahiyekten. Ignewa nihiyekten. Ig kasimsavu akak simis migatbetye. Ig kanumka giw “Uhokri Giwn” mmanawa ignewa ekkene gitkis hiyeg ku samah Uhokri gihiyekemni.

Ayteke nah hiyap pahamku iwan kane ayawisima pes gibiyaptak. Akak egu giwana ig pisenwanek gihawkankis madikte hiyegviyenevwi. Ig kumadukigkisnek akak gisuga sivari hawata ku samah pahavwi muwtohvutne kumaduka givigvu akak ah. Ig hiyapkisnek mbeyne gitkis hiyeg avatra givathawnikis ke wotbe ig kumukwigkisbenek amadgat kumuktet. Mmanawa ig Uhokri detye, ig ka batek akak patahwaki aynesnima.

Pisenwa gikeryikis, ig ner kene axtigibe ig kamaxwika payak gikak ner ku pariye ikewne ke wotbe ig Uhokri gawnevebe bawa ig ner kene axtigibe gawneve. Igi ner ku pariye kehne annut ku aysaw ig ay kennesa gimun ner kene axtigibe. Akak ini gannu ig kinise neras ku pariye amevenevwi hiyeg gikankis ner kene axtigibe gitamka, neras ku pariye kawohkigahew arit ner kene axtigibe gahehpak batakkarad. Ayteke nikwe ig ner kene axtigibe gikak ner ku pariye ikewne ke wotbe ig Uhokri gawnevebe, igkis padakavepka piyamate ivegi abetit tiket ahawkri ku pariye wohnenekwa adahan avanenekwa wageska payegbitaknene akak ini pisukempiye ku pariye bixiwahnene arihri.