Popular Bible Verses from Filipenses 1

Share

Nah hiyakni ku Kiyavwiye Uhokri ku pariye wageswiye yihiyekemni, ig wagesninek kabayntiwa avigkutavriknawa ku samah gimawkan kuri aytakihan he amaksemni hawkrinek ku aysaw Cristo Jesus danuh adahan ig pisenwevye akak inin hawkri.

Nah piriyepkaw yidahan adahan yis tiviknene amniheknene pawtak ka aynsima akiw, adahan yis wagahkisnene yihiyekemni pawtak kahadbe yis hiyak ku pariye inyewatnene waditnene. Kahadbe yis avuriw yihiyekemni adahan yis amava he kibeynenen hiyakemniki nibetit. Numawkan yis barewvitye yuma yitaraksan giwtrik Cristo avim ini hawkri ku aysaw ig aytanek.

Nutuh ku nah misakwa ay amadga inin, ig Cristo misakwa ay nuvituh ig ekkene gihiyekemni nuvitimpi. Heneme ku aysaw nah miyanek, ayge nah ka aynsima hiyakte Cristo mpiy ku samah nah hiyakgi ay amadga inin.

Avanenekwa ku aysaw nah ivegminene nuhiyekemni yidahan, nah kabayha Kiyavwiye Uhokri yidahan.

Heneme ka samwa ku pariye danuh nutuh. Nah ayap yit amawka yis ikaw Uhokriyanbetnewa. Hiyawa nah ayta yawasay, hiyawa nah ka ayta, heneme numawkan nah tima yak ku yis kamaxwene givitit Kiyavwiye Jesus akak pahatwowa yihiyekemni. Numawkan nah timap yak ku yis mpiksewnekuye akak pahatwowa yibetki adahan yis kinetihwene gimin Cristo gitkis hiyeg kahadbe ignes kamaxwa givitit.

Ininewa numawkan nah ka mara akak nuvituh ay. Ininewa nuwhpan. Numawkan nah kinetihwene gimin Cristo akak madikte nuboka ku samah inpawa nah keh. Nah ka aynsima muwekepkere adahan nah ka marakwig aynesnima. Nah ka hiyak ba nah miya ay ba kawk. Heneme ku nah miyap, nah muwaka miya akak Cristo gidatni ay nuvituh. Nah ka muwaka marakwig. Hawata ku nah ka miya, nah ka muwaka nah marakwig akak nuhiyekemni amadga inin.

Mmanawa ku samah wixwiy Cristo gihiyegavu, ig Kiyavwiye Uhokri iki wotwiy pitana kabayka. Ka ininewatma ig iki wotwiy ini kabayka adahan wixwiy kamaxwa givitit Cristo, heneme hawata ig iki wotwiy ini kabayka adahan wixwiy hiyepne mbeyne gidahan.