Popular Bible Verses from Matews 7

Share

— Avanenekwa ayepnenekwa yawaygi ta git Uhokri. Igme iki yitnek ku pariye yayapni git. Ku ig ka iki yit nikwenewatma avim ini, ka sam. Ikawnay kewa pahavwibe ku pariye ivegvene paha arikna he ig utepni. Ayge nikwe yis utinek ku pariye yimawkan. Ikawnay kewa pahavwibe ku pariye tetesnene anumeku pahavwi gilapota he igme woka ta git. Ayge nikwe ig Uhokri kaytwa yiwnnek.

Mmanawa ku wis aya wawaygi git, ikaka wotnek. Ku wis ivegvene ku pariye umawkan git, wis utipninek. Ku wis awna git, kaytwaka wownnek.

— Ku pahavwi hiyeg timap nukannuhakni, ku ig ihpin, igi kewa pahavwi awayg hiyakemniyebe ku pariye mutuhe givin awakubet ta abetit tip.

Ka yi muwaka ikiy ku yis ka hiya yisma wew avigku inakni hiyakemniki ku pariye nah ekke yit ku avim inin. Kiyenabay inin nuwnuh: amawka yis kabay gikak pahavwi hawata ku samah yis muwaka pahavwi kabay yikak. Inakni iwit in ahiw madikte Moís gikumadukan akak Uhokri gawnevevu pitatyevwi giwnkis. Henewatbaki in.

Heneme ini ahin nopsesa mahamwisniyene in tivikwiye arimkat kabayka dehetniki. Ka kiyesradima hiyeg utipni.

— Ay pitahra akebi ahin adahan uhiyekemni. Ig Uhokri gihiyekemni kewa pahatra ahin mahamwisniyebe. Heneme paraknabay atere avigkut ini ahin. Mmanawa ku yis ka wew akakma Uhokri gihiyekemni, in ke wotbe yis avigkube pahatra ahin nopsadnene pugubwadnene ku pariye tivikwiye arimkanit iwetrit ku kiney kane aynsima hiyapka mbeyne ayge. Ka aynsima hiyeg tivikwiye atere.

Ku yis hiyap yis taraksavye iki kibeyne arikna gitkis yikamkayuvwi, igkata akiw Wigwiy inurikyene? Ig iki kibeynewa arikna ta gitkis neras ku pariye ayepnevwi git.

— Ka yi muwaka ikiy pahavwi ku ig ka kibeynema kahadbe ig Uhokri kawnata ikayi ku yis kawnata kibeynevwima. Ku wis ikiy pahavwi ku ig kibeyne hiyeg, hawata ig Uhokri ikiy wis ku wis kibeynewata. Heneme ku wis ikiy pahavwi ku ig ka kibeynema hiyeg, nikwe ig Uhokri ikiy wis ku wis kawnata kibeynema.

Heneme ku pahavwi hiyeg timap nuwnuh heneme ku ig ka ihpin, igi kewa pahavwi awayg mahiyekemnivyebe ku pariye tabirase givin awakubet ta abetit kayh.

Mmahki pis avuriw pikebyi gitaraksan? Pis ke wotbe kiyimanebe akak paha iget nopsesnibe ay giwtrik pikebyi. Pisme ka hiyaknima ba pahat ahadma nopsad ay piwtrik. Ku aysaw ini ahad ay piwtrik, pis ka hiya pisma awna git pikebyi: “Isaksanate nah wiwh ini iget piwtriktak.”

— Pukuhpawnabay gavitkis hiyeg ku pariye ikawnamahkis ke wotbe ignes Uhokri gawnevevube bawa ignes ka giwntakma Uhokri. Igkis hiyapkiswa yit huwipegeviye kewa muwtohbe, heneme abet gihiyekemnikis igkis kewa axtigibe. Nah akkite yit ku samah yis hiyakgikis baki igkis giwntakwatma Uhokri. Ku yis hiyap ku igkis ka kehnema Uhokri gibetki, nikwe yis hiyakgikis ku igkis ka giwntakma Uhokri. Ku wis hiyap pahakti amutri eg ka sarayh guw kabaynovwima, nikwe wis hiyak ku egu amutri ka kabaynoma. Ke puduku akatbe ke iveybe egkis ka sarayh guwkis kabaynovwima kema “uva”ma kema “figu”ma.

Ku pahakti ah akat kabaynowa, eg sarayh guw kabaynovwi guw. Egme ah akat ku pariye kane kabaynoma, guw kawnata kabaynovwima.

Pahakti ah akat ku pariye kabaynowa ka ik adahan eg sarayh guw mbeyevyoma guw. Ine pahakti ah akat ku pariye kane kabaynoma kawnata ik adahan eg sarayh guw kabaynovwima guw.

Madikte ah akat ku pariye ka sarayh guwkis kabaynovwima, egnes ihukavepkanek egkis padakavepkanek ariwtrikut tiket adahan egkis bukahavepka.