Popular Bible Verses from Gallatas 5

Share

Igme Kiyavwiye Uhokri Gitip ig iki uvititwiy nukunewa hiyakemniki akiw. Ig keh wis batekak pawtak. Ig keh wis batek unaktin. Ig keh uyakni karisaw. Ig keh wis kiyaknihwa pawtak. Ig keh wis huwiparevye. Ig keh wis amnihak pawtak. Ig keh wis ka kinis pahavwinema hiyeg. Ig keh wis tuwatevye. Ig keh wis avuriw uhiyekemni kabayntiwa. Yuma pahatnema kumadukaki suguh akebi ini hiyakemniki.

Nah aya yit nukebyuvwi, isaksanabay Kiyavwiye Uhokri Gitip kumaduka yihiyekemni. Ku ig kumaduka yihiyekemni, nikwe yis ka keh yihiyekemni amadgaya inin abetkima akiw.

Ku samah ig Kiyavwiye Uhokri Gitip kuwis ike dehetniki ta uvititwiy, uyay isaksig adahan ig kumaduka uhiyekemniwiy.

Wixwiy ku pariye Cristo Jesus gihiyegavu, wixwiy ke wotbe wixwiy umahkis uhiyekemniwiy amadgaya inin. Nikwe wixwiy ka keh nibetki akiw. Wixwiy ka wew akak umirihwanwiy minikweknene akiw.

Uhiyakemni amadgaya inin akehni hiyakan muwapuw. Nah akkite yit ku samah akehni. In keh wis mahayakemnihwa, powkemnihwa. In keh wis ivegminene uhiyekemni amin mbeyevye hiyakemniki. In keh wis meksatruvye. In keh wis kiyatha arikna amadgaya inin mpiy Kiyavwiye Uhokri. In keh wis hikuhak git ihamwi. In keh wis ka batekak. In keh wis iniyak. In keh wisweke atihpekbet. In keh wis dagawnhaw pawtak. In keh wis ikaw kabayte giw pahavwi. In keh wis ka ihpak pawtak. In keh uhiyekemni ibekhewbet. In keh wis kaminwaptihak. In keh wis uwkihwa. In keh wis arewhevye. In uhiyekemni amadgaya inin in keh arakembet akebi ini mbayka. Kuri nah akkite yit akiw ku samah amakohnokwa nah akki yit. Hiyeg ku pariye kehne akebi ini mbayka ignes ka uti Uhokri gikumadukan.

Nukebyuvwi, Kiyavwiye Uhokri humekwewiy gimkat adahan yuma pahavwinema amadgaya inin kumaduka uhiyekemniwiy akiw. Heneme ka yi muwaka ikiy nikwe ku ka sam yis mpiksaw aharit yidahanwa kabayka ku samah yihiyekemni minikweknene. Kawa. Ihpaknay pawtak adahan yis kehne kabayka pawtak adahan yis amnihekne.

Mmanawa uhiyekemni amadgaya inin in suguhak akak Kiyavwiye Uhokri Gitip gihiyekemni. Igme Kiyavwiye Uhokri Gitip gihiyekemni in hawata suguhak akak uhiyekemni amadgaya inin. In kavetunsak pawtak. In uhiyekemni amadgaya inin in mpithaw adahan wis keh ku pariye umawkan gidahan Kiyavwiye Uhokri.

Mmanawa pahatwowa iwit ahiwe madikte amekene Moís gikumadukan. Inakni iwit awna: “Bateknaba gikakkis piyakivwi hiyeg hawata ku samah pis batek akak pivit.” Ku wixwiy keh hene, wixwiy kuwis mateke madikte amekene Moís gikumadukan.

Uyay ka muwaka mavihpak pawtak. Mmanawa in keh wixwiy kiyimwihak pawtak, wixwiy atihpak pawtak.

Ig Cristo keh wixwiy isahptaw adahan yuma pahavwinema amadgaya inin kumaduka uhiyekemniwiy akiw. Misakwanay avanenekwa akak inin ku samah wixwiy isahptaw. Uyay ka muwaka kumadukasaw arit ariknawnema hiyakemniki akiw.