Popular Bible Verses from 2 Pedru 2

Share

Kibeynekata, ig Kiyavwiye Uhokri kannuh keh hiyeg kibeynevwi isahptaw ariw kiyimwiki. Nerasme ku pariye kane kibeynevwima, ig kannuh misakgikis abet mbeyne he ku aysaw gihawkanavrikkis danuh adahan igkis katiwivwe avatra gitaraksankis.

Kiskama igkis ka hiyakkam Uhokri gihiyekemni ku pariye kibeynewatnen mpinekata igkis hiyakni heneme igkis miniw niw. Ku igkis miniw ariw Uhokri gihiyekemni ku pariye kuwis ekkepka gitkis adahan igkis diyuhe amin gihiyekemnikis minikweknene, ay pahat iwit patuwesbunka ku pariye kawih gidahankis. In awna: “Pewru hikak. Ayteke ig diyuh amin gihikakni, ig axwin akiw. Pakir sukuhptepka. Ayteke ig diyuh abetit ibug akiw adahan ig guguhptaw abet akiw.” Nikwe hawata neras ku pariye diyuhpiye butte giw Kiyavwiye Uhokri.

Igkis awna git: — Hiyawa pis keh ku samah pimawkan. Yuma hiyeg kumaduka pihiyekemni. Bawa igkisnewa gihiyekemnikis kumadukaka avit ini mahaykemniki. Mmanawa ku pariye wis isaksaw arit innewa kumadukaw.

Ku hiyeg kuwis hiyak Ukivarawiy Wamnihtenwiy Jesus Cristo kabayntiwa, ku igkis kuwis isahptaw ariw givathawnikis amadgaya inin, heneme ku igkiswa wanakminaw nikak akiw, ku igkis isaksew nit akiw, nikwe giwskawnikis pi mbayte ariw pitatye akiw.

Minikwak kinisekevutnevwi kahayak gibetkis amekenegben. Igkis ikawnamahkis Uhokri gawnevevu bawa igkis ka giwnteknema Kiyavwiye Uhokri. Hawata aysawnemenek kinisekevutnevwi parak yinavit. Igkis wagese yihiyekemninek mownye adahan mbeyevye hiyakemniki ku pariye hiyapkis ka aynsima mbeyne yitnek. Igkis isahkiswe he giw Ukivarawiynek ku pariye katiwnihe kibeyne katiwnihka adahan igkis humaw gidahan. Heneme ka adahan ayivwiyema igkis ivukepkanek hanpa arimkanit biyukwiki avatra ini gihiyekemnikis kane kabay.