Popular Bible Verses from 1 Timotyu 4

Share

Wewnaba hiyakemun adahan hiyeg ka miyathap awaku ku samah pis kote kiyavwite. Ikawnaba Uhokriyanbetnewa adahan igkis ikaw hawata ke pisbe. Wewnaba kabayntiwa gibetkis adahan pis humaw gikannuhtenkis adahan igkis wew hawata ke pisbe. Akkanaba gitkis adahan igkis kinetihwa gikak Uhokri gihiyekemni, hawata adahan igkis wew akak Uhokri gihiyekemni, adahan igkis amnih hiyeg akak Kiyavwiye Uhokri gamnihra ay givitkis, adahan igkis kamaxwa givitit Kiyavwiye Jesus kabayntiwa, adahan igkis wew akak gihiyekemnikis barewbetye.

In kabay aynesa adahan wis ikene uvit adatni, heneme in ka aynsima kabayte akiw adahan wis ikene uhiyekemni adatni akak Uhokri gihiyekemni. In kabay ka aynsima. Mmanawa gihiyekemni keh wis aymuhwa kabayntiwa ay amadga inin hawata aynte inurik.

Avuriwnaba pihiyekemni adahan pis wew kabayntiwa. Avuriwnaba hawata adahan pis kannuhak kabayntiwa. Avanenekwa pis wew wadit. Avanenekwa pis kannuhak wadit. Ku pis mpiksaw keh hene, pis isahptawnek ariw madikte pitaraksan adahan pis danuhne git Kiyavwiye Uhokri. Hawata neras timepnevwi piwn ignes isahptawata.

Ig Kiyavwiye Uhokri Gitip akki wot huwewehe ku aysawnemenek gaytakis hiyeg isahkisenek gikamaxwankis givititak Cristo. Igkis miniwvi giw mmanawa igkis kinikiswe arit gihiyekemnikis wavityempu ku pariye kiniseknevwi.

Heneme ka muwaka ataybiswa arit amekenegben giwnkis ku pariye he inetitapnen he mahayakemnikinen, in ka kinetihwa amin Uhokri gihiyekemni. Pisme iwinenekwa innenwa Uhokri gihiyekemni. Ku samah pahavwi suwtat mpiksaw ikene givit adatni pisme mpiksaw iki pihiyekemni adatni akak Uhokri gihiyekemni.

Ku aysaw nah yuma ayge, mpiksawnaba ivegboha Uhokri gannasan gitkis neras Jesus gihiyegavu. Wagahkisnaba gihiyekemnikis akak ini gannasan. Kannuhaknaba nimin akak madikte piboka.