Popular Bible Verses from 1 Tesalonisenses 5

Share

Bateknabay avanenekwa. Piriyepkawnabay avanenekwa. Kabayhanabay Kiyavwiye Uhokri avanenekwa abet madikte ku pariye danuh yit. Henewa ig Kiyavwiye Uhokri gimawkan adahan yis amavin. Adahanikwa ini ig keh yis pahavwiwa gikak Cristo Jesus.

Ig Kiyavwiye Uhokri ig atiwkekne kariswehwaki. Igwa keh yis barewvitnek pahavwite. Ig avuriwyinek pahavwite, yitip payak akak yihiyekemni yivit. Ig avuriwyi kahadbe yis yumahwa yitaraksan aynesnima giwtrik avim ini ku aysaw Ukivarawiy Jesus Cristo gidawnhan. Ku pariye Kiyavwiye Uhokri gikaksan wotwiy in ka mpiya henentima. Ig kaniy wixwiy adahan wixwiy humaw barewvityevwi. Ayge nikwe igwa barewvithawiy ariw madikte uvathawniwiy.

Avuriwnabay yihiyekemni adahan yis ka diyuhkis mbayka akakwatama mbayka. Heneme avanenekwa mpiksawnay keh kabayka yisweke pawtak hawata gikakkis madikte hiyeg.

Nikwe aydhaknay pawtak akak inakni iwit. Wagahkisaknay pawtak hawata ku samah yis inpawa keh.

Nukebyuvwi, usuh aya yit adahan yis iki gihiyekemnikis hiyeg ku pariye mabivwavye kannivwi adahan givitkis. Ikinay gawaygikis hiyeg ku pariye dunihpiye giyaknikis. Wagahkisnay hiyeg ku pariye aynesniyene gikamaxwankis. Kiyaknihwanay gikakkis madikte hiyeg.

Kibeyne, ig Kiyavwiye Uhokri kaniyvewiy ka adahanma wixwiy ivukepka arimkanit biyukwiki avatra utaraksanwiy heneme ig kaniyvewiy adahan wixwiy isahptaw ariw biyukwiki givitimpi Ukivarawiy Jesus Cristo.

Mmanawa yis madikte gidahan Kiyavwiye Uhokri. Yihiyekemni ke wotbe in kabutennebe, ke puwivwakbe. Yihiyekemni ka abetma amisnavye, in ka misanapnema kema tiyegemma adahan yis ka hiyak ku pariye hiyakemniki inyewatnene.