Popular Bible Verses from 1 Pedru 3

Share

Ivegnabay givitit Cristo avititakwa yiyakni. Kiyathanigbay ku samah ignewa Ukivarawiy. Ku hiyeg ayavyi amin ku samah yis iveg givitit Cristo, misakwanabay ahegbet avanenekwa adahan yis akkamnihni gitkis. Kinetihwanabay gikakkis akak huwivgaki akak kiyathaki. Wewnabay avanenekwa akak yihiyekemni wadit. Ayge nikwe ku aysaw hiyeg mahivwihpey, ku aysaw igkis awna mbeyevye iwit yimin awaku ku samah yis wewne akak Cristo gihiyekemni, ka sam. Ku yis wew wadit, igkis marekevwenek abohri inakni giwnkis ku pariye igkis awna yimin.

Mmanawa Kiyavwiye Uhokri giwtyak avuriwvari gihiyegavu kibeynevwi. Gitaybi wok, timavari giviryepkawnikis. Heneme ig wages gihepka giwkis neras ku pariye kehnevwi mbayka.” Henewatbaki ig Kiyavwiye Uhokri awna.

Ka yi muwaka iveg avitit yibereswan amadgaya inin adahan ini keh yis barewyo. Ine yisemnu barewye, ine yibereswan karukri wahano, ine yisimsa barewye, ka innema keh yis inyewatma barewyo. Heneme bereswanay ay abet yihiyekemni akak ini yibereswan ku pariye kane hiyap mpiyaki. Bareswanay akak tuwatka akak kiyaknihwaki. Innewa ku pariye kibeyne git Kiyavwiye Uhokri.

Mmanawa in Uhokri gannasan awna: “Ku pahavwi muwaka batek, ku ig muwaka uti kabayka, amawka ku ig avuriw giwn adahan ig ka awna mbayka. Amawka ku ig avuriw gibiy adahan kinisaka ka pes gibiyaptak. Amawka ku ig tukuhwevwa ariw mbayka adahan ig kehne kabaykanen. Amawka ku ig keh pasamraki. Amawka ku ig mpiksaw aharit pasamraki.

Amaksemni nukebyuvwi, tuguhkisnabay yihiyekemni hehpekuye. Kayahnabay inwata ku pariye yikebyi kayah. Batekaknabay pawtak ke wotbe yisweke pakebeyeknebe guwntak pahavuwa inagti. Amnihaknabay pawtak. Kannuhwanabay kiyathak pawtak. Ku pahavwi hiyapkis mbeyne yit, ka yi muwaka diyuhkisgi akakwatama mbeyne. Ku pahavwi mahivwihpey, ka yi muwaka diyuhkisgi akakwatama mahivwihka. Kawa. Diyuhkisnabay akak kabaykanen. Innewa Kiyavwiye Uhokri gimawkan udahanwiy avim ini ku aysaw ig humekwewiy gimkat. Ku wixwiy keh hene nikwe wixwiy utinek ini kabayka ku pariye gikaksan wotwiy.

Ku wixwiy mpiksaw keh kabaykanen, nikwe yuma pahavwinema hiyeg hiya usamanakwiy adahan ahegbeta mbayka udahanwiy.

Amawka ku ig tukuhwevwa ariw mbayka adahan ig kehne kabaykanen. Amawka ku ig keh pasamraki. Amawka ku ig mpiksaw aharit pasamraki.

Mmanawa ku Kiyavwiye Uhokri muwaka wixwiy hiyap mbeyne, ka sam. Heneme ku wixwiy hiyapkiska mbeyne wotwiy avatra ku samah wixwiy kehne kabayka, ini ka aynsima kabayte ariw ku wixwiy hiyapkiska mbeyne wotwiy avatra ku samah wixwiy kehne mbayka.