Popular Bible Verses from 1 Korintyus 8

Share

Heneme wixwiy hiyak ku kadahan pahavwiwa Uhokri. Ig Wigwiy. Ig atiwkekne madikte arikna. Wixwiy humaw gidahanikwa Uhokri. Hawata akiw wixwiy pahavwiwa Ukivarawiy. Ignewa Jesus Cristo. Ig ahumten madikte arikna. Wixwiy humaw givitimpi Jesus Cristo.

Kuri nah awnene amin im kakanhawka arit ahehpakti batakka. Ka aynsima hiyeg kakanhaw im arit ahehpakti batakka ayteke ignes ax abusku. Hene igkis kiyatha ini ahehpakti batakka. Yisme ayavun ba kabay adahan wixwiy Jesus gihiyegavu ax akebi ini im. Yit in ka sam. Mmanawa yis hiyakni ku ahehpakti batakka in ka ariknawnema. Henewa wixwiy kadahan madikte ini hiyakemniki, heneme amawka hawata ku wixwiy kadahan Uhokri gamnihra ay uvitwiy. Ku wixwiy aharit humaw ka uhiyekemniwiysima, ayge nikwe in keh wixwiy mavihpak pawtak. Heneme ku wixwiy aharit humaw ka wamnihrawiysima, ayge nikwe wixwiy wagahkisak pawtak. Ku pahavwi awna: “Nah hiyakemniye hiyeg. Nah hiyak hawkri.” Amun ini nikwe ig ka hiyak hawkri.

Inneki keh nah awna: “Ku numana taraksasa nukebyi, nikwe awetuvye nah axni. Mmanawa nah ka taraksasekere nukebyi.”

Henewa ka sam wis ax im ku pariye kakanhawka arit ahehpakti batakka. Ku wis ka taraksasa pahavwi nikak, in ka sam. Heneme battukawnay adahan yivit adahan yis ka ax ariknawnema ku pariye ik adahan taraksase pahavwi ku pariye kotene hiyakte hiyakemniki kabayntiwatma.