Popular Bible Verses from 1 Korintyus 15

Share

Nikwe nukebyuvwi kibeynevwi, ka yi muwaka tuguhkis yawaygi hawata yikamaxwan. Misakwanabay yidukwenewa ivegnenekwa givitit Ukivarawiy. Misakwanabay kannivanene gidahan. Mmanawa ini yannivwi gidahan in ka waditnevyenenma.

Kibeyne gidahan Uhokri. Ig Jesus Cristo pisenwe miyaka ahawkan, mmanawa ig yuma patahwaki ay abet gihiyekemni. Inneki keh ig kannikew ariw gimiremni. Kuri ig Uhokri keh wixwiy hawata kannikewbet awaku ku samah wixwiy pahavwiwa gikak Ukivarawiy Jesus Cristo.

Nukebyuvwi, ka yi muwaka kinikiswa arit inakni giwnkis. Ku yis darihwak gikakkis neras ku pariye ihpenevwi inakni, ik adahan yis wageswe hawata ke igkisbe.

Heneme ig Uhokri akak gabay ig keh nah humaw ku samah nah ku avim inin kuri. Kibeyne, ini gabay ku pariye ig ike nuvitituh in ka adahan waditnevyenenma. In keh nah ka aynsima mpiksawte giwkis madikte giwatnivwi. Heneme ka nuwnteknema nah mpiksaw. Ini Uhokri gabay ku pariye ay nuvituh ini ike nawaygi adahan nah mpiksaw.

Avim ini miyaka ka hiya usamanakwiy akiw. Ku samah kaybune tariswika gaybu ig ka hiya uduhka akiw, miyaka kawnata hiya usamanakwiy akiw. Miyaka danuh wot awaku uvathawni ay abet uhiyekemni. Wake wis yuma uvathawnibe, nikwe yumakam miyaka. Uhokri gikumadukan awna ku amawka ku hiyeg patahwavye gihiyekemnikis amawka ku ignes miyarap.

Kuri nah akkite yit ku pariye nehmnikuhpiye. Aysawnemenek avim ini ku aysaw ig Kiyavwiye Jesus danuhnek atan akiw ku pariye gihiyegavu aynenevwi ku pariye kotenene miyate, avim ini gidawnhan, igkis madikte wageswanek nukunewa givitkis akiw payak gikakkis gihiyegavu ku pariye kuwisnene miyarap. Uvitwiy wageswanek nukunewa akiw, pahaye adahan kewa manansawkabe, avim ini ku aysaw tohompet gumaksemniyewa agighakanek. Eg agighakanek adahan gihiyegavu ku pariye kuwisnene miyarap, igkis kannikaw akak givitkis nukunewa akiw ku pariye kane hiyap miyaka akiw. Igkisme gihiyegavu ku pariye kotenene miyate igkis hawata wageswanek nukunewa givitkis akiw.

Mmanawa pitatye pahavwi awayg amadgaya inin kavusase ini miyaka udahanwiy madikte. Kurime pahavwi awayg amadgaya inin akiw igi kavusase kannikawka ariw miyaka. Ig amekene Adão gitaraksan akak gimiremni tuguhe uvititwiy madikte awaku ku samah wixwiy wageswe gikamkayuvwi. Heneme wixwiy ku pariye wageswe Cristo gikamkayuvwi wixwiy madikte kannikawnek ariw umiremniwiy hawata ke igbe. Mmanawa gikankawni tuguh uvititwiy hawata.

Amawka wixwiy kawih nawenyewa uvitwiy akiw, mmanawa inin uvitwiy ihtikekne amadgaya inin in ka dehwevyema. In ka dep miya. Amawka wixwiy kawih uvitwiy nukunewa, dehetniye, ku pariye kane miyati akiw.

Mmanawa ikaksaka gidahan adahan gikumadukan tiviknene wagehnene he ku aysaw madikte givetunyavu sibuhkiska gitnek. Butte nikwe ig pisenwanek akak givetunya miyaka.