Popular Bible Verses from 1 Korintyus 12

Share

Wixwiy mpuse ikaka Uhokri Gitip gannu uvititwiy adahan wixwiy kehne kabayka pawtak.

Wixwiy madikte ay kewa Cristo givitbe. Wixwiy mpuse kewa givit akisutbetbe. Ku samah utaybi, uwan, ukugku kadahanyekuye arannivwi wixwiy hawata kadahanyekuye wannivwiy gidahan Cristo.

Ku paha akisut uvit kayah, amun ini nikwe uvit kayah pahavwite. Ku paha akisut uvit uti kabayka, amun ini nikwe uvit batek pahavwite. Hawata wixwiy Cristo gihiyegavu.

Ig Uhokri Gitip iki gannu givitit pahavwi adahan ig hiyakemniye akak Uhokri gihiyekemni. Givititme pahavwi akiw igwata Uhokri Gitip iki gannu adahan ig hiyekne hiyakemniki ku pariye Uhokri akka git. Givititme pahavwi igwata iki gannu adahan gikamaxwan ka aynsima. Givititme pahavwi igwata iki gannu adahan ig makniwene hiyeg. Givititme pahavwi ig iki gannu adahan ig kehne annut ku pariye hiyeg amadgaya inin ka hiya nikehka. Givititme pahavwi ig iki gannu adahan ig awnene iwit ku pariye pes giwntak Uhokri. Givititme pahavwi ig iki gannu adahan ig hiyekne ba Uhokriwatma Gitip awnene givititak pahavwi. Givititme pahavwi ig iki gannu adahan ig awnene ariku nawenyewa iwit. Givititme pahavwi ig iki gannu adahan ig wagesne inakni iwit.

Igwata pahavwiwa Uhokri Gitip ignewa iki uvititwiy madikte ini gannu. Ig ibakha gannu givuwiwkis mpuse hiyeg ku samah gimawkan.

Ig ka muwaka wixwiy mavihpak. Ig muwaka wixwiy kavigsak pawtak.

Ka aynsima Uhokri gannu ay uvitwiy, heneme pahavwiwa Gitip iki madikte ini gannu uvititwiy. Wixwiy ka aynsima wannivwiy, heneme pahavwiwa ukivarawiy. Wixwiy keh arakembet annut, heneme pahavwiwa Uhokri iki wannuwiy adahan akehten.

Nah akkite yit gaytakkis hiyeg ku pariye ke Uhokri giwanbetbe ay ubetwiy wixwiy gihiyegavu. Pitatye ig iki giwatnivwi. Ayteke ig iki gawnevevu ku pariye awna iwit ku pariye pes giwntak Uhokri. Ayteke ig iki kannuhekevutnevwi. Ayteke ig iki hiyeg ku pariye keh annut. Ayteke ig iki hiyeg ku pariye kadahanye Uhokri gannu ay givitkis adahan makniwene hiyeg. Hawata ig iki hiyeg ku pariye ayavekne. Hawata ig iki hiyeg ku pariye giwewkistenkis hiyeg. Hawata ig iki hiyeg ku pariye awna ariku nawenyewa iwit ku pariye ignes kane pukuhpa.

Uvit kataybi, kawan, kakugku. In ka inyekatama. Hawata Cristo givit. Wixwiy mpuse kadahanyekuye wannuwiy adahan kannivwiye gidahan. Wannuwiy arakembet.

Kawa. Ka ik adahan uvit misakwa yuma ukisutbet ku pariye uvewkan yuma arannu, ini uvit muwakapni. Wixwiy hawata kamawkanak pawtak.

Wake wowtyak inyekatabe, nikwekam wis ka hiya wisma timap. Wake utaybi inyekatabe, nikwekam wis ka hiya wisma ayh. Heneme uvit ka inyekatama. In kadahan ka aynsima akisutbet ku pariye hamahkiska atere gavit Uhokri ku samah gimawkan. Wake uvit in inyekatabe, amun ini wis yumakama uvitkam.