Popular Bible Verses from Púcook 27

Share

Alímaati Pútuun pa puwufani haamon ha hiti patiila niŋ hitaaku ha hiti etaam ya: hícump uli niŋ pucoma elaan. Alímaati hícump písii píyenoonii pimiikani, pakan paka nkáñeemi. Alímaati aayeno ati hikaw ha ti pakani, nkáñeemi. Alímaati keeñanuu ka kañanee, keesampanuu ka kasampanee.”

Esawu naasok: “Fo caacawoo cineetaat Jakob? Acaakoolaam-caakool niŋ ñésupak: Acoopaacoop híhampaatiinate ha hitoom, fiye acoopaa lompo kaasampan ka kutoom!” Naacakan paapaa ateyoo, “Aatowanutam kikee kaasampan?”

Paapaa ateyoo Isaak naañahanoo: “Ekínuma ya etii éfeelaaŋ hitaaku ha hiti etaam ya, éfeelaaŋ haamon ha hiti patiila. Eloŋ ya etii efeeyeno eti hikam niŋ káalipu, aafayeno amiikan a ati atuwi. Pale niŋ áayokiyoo, áafaful ti kayine ka kiteyoo.”

Esawu naasok paapaa ateyoo, “Paapaa, fo kaasampan koonool lamma antaake? Paapaa, luumuu sampanam lompo!” Fiye, Esawu náacoolan meemak.