Popular Bible Verses from Taetos 3

Share

Kɛ ya Lɛɛ Korowii aa le chae waa cha yaa la ne o nyina waa dɛ nyin nɛn asɛ ya jemɛ a waa la, o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la. O Domadɛɛɡe waa kpɔa tɛ yaa la, ya Lɛɛ Yeesu Kristo waa o koh tɛ yaa kohona, asɛ Korowii suna la ɡel ya ɛ nɛndɛɛɡa ya waa su o siwi, ásɛ ya won dɔ hwɛɡa kɛ o mkpa aa wola jaɡa dɔe bwa la ɛɛ ɛ ya konee.

Lii ba ŋɔ báa pwɛr ba te dɛɛ tɛ nomonome baa dɛ di kpeɡri te bɛlbwa, dɛɛ no ba deŋna wa, dɛ́ kpɔ ba te kɛ baa dɛɛ ɛ waa aa wera bwaa. Ŋɔ ba be ba bɛ nɛra bwara wechɔɡe dɛɛ bol, ba bɛ dɛɛ naɡre, báa pwɛr ba te, dɛɛ tɛ nomɛlbwa duure kɛrɛdɛ.

Kɛ laa he te kpɔ ɡɛne wetɔŋla ne ɡɛ he naawa aa teŋɛ dɔŋa nɛɛ waa bini baɡla ta, ne naɡrenyin, ne Mmara ŋwɛnɛre waa tɔŋla ta. A ta tɔnɔ bɛlbwa dɔe. A ɛ wepuu.

Nɛn waa dɛ ba nɛra baah peɡra ne la, bol waa baɡlo ó ɡel. Dɛ o ta teŋɔ dɛɛ ɛ aa, bol waa baɡlo ja. Dɛ o ta he nɛɛtena waa la noɛ yaa, he ne o bɛ wobɛlbwa ta pɛ.