Popular Bible Verses from Rom 14

Share

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be. Nɛn a ɡɛ waa nɔ aa hiaoh Yeesu Kristo toma bini la, Korowii sie dɛ lɛ o nɛ, asɛ o wa ɛɛ su nɛwɛnyina ɡe siwi.

Yaa lɔ mkpa ta nɔ, dɛ ya Dɔɔ Yeesu waa ya do le. Dɛ ya baa sewɛ ɡe aa, dɛ onee ya sewɛ tɛ. Anomanta, ya lɔ mkpa ta noo, sewaa ya sewoo, ya Dɔɔ Yeesuu dɔ yaa.

Anomanta, a chɛ kɛ ya ɡel ya siwi swɛɛ waa aa dɛ ba deŋnesɔɔhna ne, ne waa aa dɛ ba ɡela ya dɔŋa che kiŋkiŋ ta.

Aa do ɡɛ nɔ, yá ɡel dɔŋa pwaeh. Waa aa chɛ kɛ yaa ɛ laanee kɛŋɔ ya ɛ ya liire kɛŋɔ waa aa ɡel ya dɔŋa lɔ naa dɛ chole kɛɛ ba ɛ wechɔɡa la, yaa ɡel a ɛɛ.

Korowii Tɔn baɡlɔ kɛŋɔ, “N Naa Korowii bolɔ ŋɔ, ‘N ŋwɛɛrɔ kɛŋɔ nɛra bwa ɛɛ ɡuŋ mɛ harɛɛ, ásɛ nomɛlbwa di kasinteŋ kɛŋɔ Korowiirii men.’ ” Anomanta, ya bɛlbwa ɛɛ baɡle o toma waa ɛa Korowii siee.

Dɛ Kristo te bɛl lole, o yarada aa wola kanɛ wɛɛ nyin o jo he bini naa, hé lɛo do he bini. He bɛ o we-ɛɛla aa korɛ he kwaa ta la dɛɛ tɔŋle.

Henee umeo he won pwah nomɛl bonɔɔ nɔ? O dɔɔ ɡbaɡbaa dɔ ŋwɛnɛ kɛŋɔ ó won baɡle kɛ o bonɔɔ dɛ ɛ waa kɛɛ waa waa ɛ. Waa ɛ ya Dɔɔ Yeesu Kristo bonɔɔ la nomanta, wɛɛ ɛ waa, dɛkalkɛŋɔ wɛɛ wonoo chao o ɛ wa.