Popular Bible Verses from Wepila 8

Share

Pebie la aa swe kwaa baa kpɔa marɛ tɔn nuanɛte la, Korowii doa bwa ɛo ken surumm dɛ biɡri tama.

Nyundua torome waa tɔ sie la hoɔh. Waa hoah la, dombwea ne nii koo chal ta, dɛ le nyundua kɛŋɔ baa kpɔa ta harɛ. Ba bɔne harɛ bini bɔre atoro naa, anɔ la aa fuah la ɛɛ tel bɔr beŋkpoŋii, a ka bɔre anɛ. Ba bɔne daa ne kpɔɡa bini bɔre atoro naa, anɔ la aa fuah la ɛɛ tel bɔr beŋkpoŋii, a ka anɛ.

N berɛ nyiŋi dɛ na kee bɛl waa dɛ ɡah nyundua dɛ kpɔ takpeɡ dɛɛ si, “Waa dɛ ba! Waa dɛ ba! Waa ɛɛ pu nɛra baa lɔ harɛ taa. Dɛ nyundua toroma batoro la baa kaa dɛ hoh ba bɛle la hoɔh waa, waa ɛɛ pu harɛ ta tenaa.”

Asɛ nyundua torome waa teŋa nɛɛ la hoh o bɛla. Waa hoah la, komɛl do kɛŋɔ bwekpeɡi damanta baa viɡru ken, o le nyundua dɛɛ fuh, dɛ ba le mpo ta, asɛ o nee berɛ chal. Ba bɔne mpo bini bɔre atoro naa, anɔ la aa berɛ chal la ɛɛ tel bɔr beŋkpoŋii

Nyundua torome waa teŋa tooro la ɡe hoɔh. Waa hoah la, asɛ weweejen le nyundua dɛ ba le harɛ, o bwa ɛɛ hɔ kɛŋɔ kapɛla ken. Waa baa le la, o le moo ne nenabɔɔne ta. Dɛ he bɔne moo ne nenabɔɔne bwa bini bɔre atoro naa, anɔ la waa le a ta la ɛɛ tel bɔr beŋkpoŋii. Wewee la sɔne Koŋkpel. Nee waa le o ta la berɔ do kpeli, asɛ nɛra nyɔa dɛ serewe pirim, dɛkalkɛ nee la kpeli.

Nyundua torome waa teŋa naarɛ la ɡe hoɔh. Waa hoah la, wee ne korobie ne weweela bwa ɛo kɛŋɔ baa lɔa, a pera biri. Dɛ ba bɔne a bɛlbwa kpeɡri bini bɔre atoro naa, a bɛlbwa bɔr beŋkpoŋ aa won chaah kpa. Webaŋa ne jwaana ɡba, ɡɛɛ a do. Ba bɔne a bini atotoro naa, wee aa lɔ bɔr beŋkpoŋ ta webaŋa. Korobie ne weweela ɡe ɡɛɛ jwaana.