Popular Bible Verses from Wepila 6

Share

Asɛ n nyiŋi dɛ jaaɡɔkɔl bɛl leɔ, asɛ nɛn so o ta baa yerɔ Seo. Bɛl ɡe le teŋɛ o nɛ, o ɡe sɔne Lalabwɛ. Ba tɛɛ ba kpeɡri bá kpɔ laa ne lɔr ne weechɔɡa ne kpɔɡ bini ola kpoo harɛ nɔ ta nɛra. He bɔne harɛ nɔ ta nɛra bwa bini bɔre anaarɛ naa, banɔ la baa tɛɛ ba kpeɡri bá kpo la ɛɛ tel bɔre anaarɛ la bini beŋkpoŋ nɛraa.

N nao kɛŋɔ jaaɡɔpoŋ bɛl aa lea, nɛn so o ta dɛ kpoŋe to. Ba kpɔ kooɡbɛrɛ tɛo, asɛ o dɔ kpeɡri dɛ le kaa, dɛ ka yo laa dɛ pɔ o dɔma nɛ.

Asɛ Pebie la swe kwaa baa kpɔa marɛ tɔn nuete la. Waa sweo la, n nyiŋi Korowii Dea bela baa dɛ ɛ saraha dɛɛ tɛ Korowii la harɛbɔr, dɛ na lala baa koh Korowii Waa la wa, ne cheɡa baa cheɡa tɛo waa dɛ kpoo ba la.

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?” Dɛ ba tɛ bɛlbwa yapoŋ ó tɔ, dɛ ŋɔ báa onɛ tama ka tel kɛŋɔ ba bala Korowii bonɔɔna ne toli baa dɛ ba ba ɡe kpoora kɛŋɔ ban la nyoa aa chiɡa.

Belaa jaaɡɔ bɛl ɡe le, o bwa swɛɛrɔ peihpeihpeih ken. Dɛ ba tɛ naate waa soɡe o ta la kpeɡri ŋɔ ó chɔɡ beŋkpoŋri ɛɛ harɛ bwa ta, ásɛ nɛra kpoo dɔŋa. Tokobijen bɛlee ba tɛo o kpɔ kaa.

dɛkalkɛŋɔ ba tɔpejen la telo, nɛra ɛɛ ba ba danana nee nyɔe. Anomanta, umee dɛ́ won le a nyoa ɔ?”

N berɔ na Pebie la swe kwaa baa kpɔa marɛ tɔn numɛlte la. Waa sweo la, harɛ jiɡro kohona, asɛ wee bir kɛŋɔ birisie ken, asɛ korobie swɛɛ kɛŋɔ chal. Weweela chuɡro lee harɛ kɛŋɔ peujen yon ta, daa nɔŋhuuhne yon lee harɛ la.

Pebie la swe kwaa baa kpɔa marɛ tɔn la toorote la, asɛ n no kɛ hweera kwaa toorote aa ŋɔa, “Ba!” N nyiŋo, dɛ jaaɡɔbiŋi bɛl ɡe leɔ. Nɛn waa soɡe o ta la kpoŋe kon baa kpɔa dɛɛ kari kwaa tɔɡre la bɛl. N no taa bɛl hweera kwaa anaarɛ la baah ta kɛŋɔ, “Tɔpebir kembɔree bá kpɔ yawɛ mea lakaja dela anɛ la, ásɛ anɔ la a yoɡ aa wola kpeɡe ɡe, tɔpebir kembɔree dɛɛ yawɛ lakaja dela anumɛl. Kɛ noo ne sen te, ɡel a chɔɡa.”

Asɛ Korowii doa nyoɡre n siwi ta kɛŋɔ baa ɡuɡri kalaŋ la. Bwejaŋa ne ekwie ɡe chuɡri le a buɡe ta kaa. Harɛ koranar ne nɛnjena, ne soojare nomonome, ne dɔɔhna, ne bokpeɡa tena, ne nɛn te bɛlbwa, banɔ la baa ɛ yoma, dɛ banɔ la baa wola yoma ɛɛ bwa chwa ka sɔh bwebɔɔne ne bwetala aa lɔ bwejena ta lɔɡre