Popular Bible Verses from Wepila 3

Share

Hɛ́ɛ no! N cheɡɛ doonyoa dɛɛ lɔ ɡbera. Naate waa no n taa dɛ́ ba yaa mɛ la, mɛɛ jo o bee, n ne o pɛ nɔn di kwa.

N jemɛ he we-ɛɛla. Haa wɔbɛ, haa sɔnɛ ɡe. Dɛ wɔrɔbe kɛɛ sɔnee he den do aa, a fe bɔ. Kɛ haa do ywɛlɛywɛlɛ haa wola wɔbɛ, haa wola sɔnɛ ɡe la, mɛɛ poo heyaa ta.

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.

N jemɛ he we-ɛɛla. Hɛ́ɛ no! N pili ŋwɛnɛ tɛ heya, nomɛlbwa aa won tɔɔ, dɛkalkɛŋɔ he kpeɡri aa kanɛ. Kɛ he wono dɛɛ teŋɛ n webaɡla ta. He ta tɔeh kɛ n ne he laa. He ta n nɛɛ teŋa ɡelɛ.

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

He ŋɔ he dɔ kwa, dɛ ɛ dɔɔhna, komɛlbwa ta heyaa nyae. Kɛ haa jemɛ kɛŋɔ he waa dɔ sinyana, dɛ do sum. He ɛ nyaara, dɛ nyoŋe, dɛ che mumɡbal.

Haa noa tɛ mɛ, dɛ lawɛ bambile dɛ na wahala nomanta, mɛɛ lɛ heyaa le wahala aa dɛ ba harɛ nɔ ta nɛra bwa nɛɛ dɛ́ ba daah ba la ta.

N dɛ ba taraken. Hé lawɛ waa haa jema la bini kiŋkiŋ, ásɛ dɛ bɛ ɡel nomɛlbwa won neɡre heyaa he paŋɛ kompoŋ baa dɛ ba heyaa vɔwa he yoi dɛ le ta la.

Anomanta, hé ir nyu ne dɛ́ kwaa a ɡɛ waa a nyoa aa dɛ sɔɔh la, á won che kɛrɛdɛ, dɛkalkɛŋɔ n ta he we-ɛɛla bɛlbwa nae a do wer dɛ toɡre n Mɛɛ Korowii be.