Popular Bible Verses from Mak 2

Share

Yeesu aa no ɡɛ waa nɔ la, o ŋɔ ba be ŋɔ, “Weela tenaa hiah tɛɛɡa te, bokpeɡa tena laa.” Dɛ ŋɔ, “Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”

Belaa Yeesu aa naa kɛ ba yaradao kɛrɛdɛ la, o ŋɔ baa la waa kuuɡa la be ŋɔ, “N bie, n kpɔ he wechɔɡa kɛɛ.”

Anee Yeesu ŋɔ ba be ja ŋɔ, “Nɛn waa Korowii cheɡ Ona Tɔpere. Ona Tɔpere te waa laa o ta nɛn.

Bɔr aa fara la, ba ta wone kpɔ baa la ba o be. Anee ba teeh dea la dɛ forɛ sal la bela Yeesu aa cheɡa la, dɛ kpɔ baa la ne o kalaŋ waa chɔ o ta la dɛ che bela dɛ kpɔɔ bil Yeesu sie.

Mɛɛ chaɡle heyaa kɛŋɔ Men Nɛn Bie dɔ kpeɡri harɛ nɔ ta kɛ ń kpɔ nɛra wechɔɡa kɛ ba.” Belaa o ŋɔ naate waa kuuɡa la be ŋɔ, “N dɛ ŋɔ he be! Ir dɛ́ kpɔ he kalaŋ kaa dem!”

Maa ŋɔ o be ŋɔ n kpɔ o wechɔɡa kɛo nɔ, ne kɛŋɔ maa ŋɔ o be ŋɔ ó ir dɛ́ kpɔ o kalaŋ valɛ, a bini umee kpeɡa ɔ?

Asɛ baa la ir buɡ la ta, dɛ kpɔ o kalaŋ nɛra la bwa siwi ta bela dɛ kaa. A ɡelɔ nɛra la bwa nyoa kpo, asɛ ba kpɛɛ Korowii ŋɔ ba ta a dɔŋa nae bwa.