Popular Bible Verses from Matiu 28

Share

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta, ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Anee nyundua torome la ŋɔ haahna la be ŋɔ, “He bɛ ɔmɛ. N jemɔ kɛ Yeesu baa kpaaro pɛl daɡaɡre ta o sewɛ la bɔree hɛɛ nyin. O toole bonɔ kpa. O iro ɡɛ o fa aa ŋɔ he be la. Hé ba na bela baa huɡo la

Belaa Yeesu ŋɔ ba be ŋɔ, “He bɛ ɔmɛ. Hé la ka ŋɔ n nimanar la be kɛ bá kaa Galilia harɛ. Belaa baa ba n nae.”

Sɔfonomonome la ne bwɛɛ nomonome chemo dɛ vɔrɔwe, dɛ nyin suuɡa damanta tɛ soojare la, dɛ lɔ ba nyoa ŋɔ, “He ɛo waa, hé ŋɔ dɛ he chɔɔɡe doromi harambaŋa, asɛ o habɔteŋra la ba ŋwɛo kaa, asɛ dɛ Paelet noɔ kɛ dɛ doromii he chɔ dɛ ɡel ba won ba ŋwɛ Yeesu chɔɔ la, dɛ ɡel ba la he ne kɔɔto aa, yá bol tɛ heyaa ásɛ he kon do som.” Soojare la aa lɛ suuɡa la, ɡɛ Sɔfonomonome la aa do ba ŋɔ bá bol laanee ba taa baɡle nɛra bwa. Hale kpoŋe ba le fini, ɡɛ waa laanee Juu tena ta kpoŋe dɛɛ bol.