Popular Bible Verses from Matiu 13

Share

Asɛ mea la aa lee harɛdɛɛɡe ta la ɡe cheɡɔ tɛ nɛra baa no Korowii Waa la dɛ lawɛ a bini, a dɔ tɔnɔ tɛɛ ba kɛŋɔ mea la aa ɛa kɛrɛdɛ, ane ma lafare, ane ma fifraanunumɛla, ane ma fifraatotoro la.”

Mea la aa lee sɔɔhne baah la cheɡɔ tɛ nɛra baa no waa nɔ, asɛ harɛ nɔ soɡa liire ne harɛ nɔ kondɔɔh waa beɡre ba sie, ba ta ɡelɛ waa la dɔ tɔnɔ.

Nɛra baa dɛ no Korowii Kora nɔ waa baa wola a mun jemɛ laanee do kɛ mea la aa lee ŋwɛnɛ nyoa la. Bɔnsam balaa, dɛ o baa laa waa baa noa la bwa kpɔ le ba nyu bini.

Mea aa lee bwetala ta la ɡe cheɡɔ tɛ nɛra baa no waa nɔ, dɛ ba sie lɛo la. Kɛ waa la aa wola ban jooɡe la ɡelɔ aa won ba nyu bini ka. A cheɡɛ Korowii waa ta waane puu ba, asɛ nɛra ɡe ɛɛ ba hɔhɔrɔwa aa, dɛ ba horɔ.

Yeesu berɔ ŋɔ, “Korowii Kora la waa ane ɡee la ja. A do kɛŋɔ baa bɛl aa kaa kpaah kondɔɔh kwaane baa kpɔa sɔh harɛ bɛl ta. Asɛ o ɡe berɛ kwaa sɔh dɛ kpɔ kwaa la silɛɛ, dɛ ka yoɡ komɛlbwa waa dɔa, dɛ kpɔ suuɡa la ka yawɛ a ɡɛ harɛ la.

Kɛ anɔ la aa lee harɛdɛɛɡe ta la te leɔ, asɛ dɛ ma kohona. Ane ma lafare, ane ma fifraanunumɛla, asɛ ane ɡe ma fifraatotoro.”

Hé ɡel a bwa pɛ che dɛ́ kpeɡ. A koma ta la, mɛɛ ŋɔ nɛra baa dɛ ba a koma la bee bá tɔ sie kɛ kpɔɡchɔɡa la, dɛ́ vɔrɔwa, dɛ́ che ka ta nii ta dɛ́ fuah, mɔɔ dɛ́ ba komɛ mea tenten la, dɛ́ pa ka do mɛ n dɔndɔŋ bini.’ ”